Թուրքիայի ընդդիմադիր «Cumhuriyet» թերթի կայքի գլխավոր խմբագիրը կալանավորվել է

Իրավական12:56, 16 Մայիս 2017

Թուրքիայի ընդդիմադիր «Cumhuriyet» թերթի կայքի գլխավոր խմբագիրը կալանավորվել է

Թուրքիայում շարունակվում են ընդդիմադիր մամուլի հետապնդումներն ու լրագրողների որսը: Ստամբուլում լույս տեսնող հայկական «Ակոս» թերթի կայքի տեղեկացմամբ՝ այսօր կալանավորվել է ընդդիմադիր «Cumhuriyet» թերթի կայքի գլխավոր խմբագիր Օղուզ Գյուվենը: Այսպիսով, թերթի կալանավորված աշխատակիցների ու ղեկավարների թիվը հասավ 13-ի:

Ընդդիմադիր լրագրողի դեմ քրգործ է հարուցվել՝ «ահաբեկչական խմբավորման պրոպագանդայի» և «զոհվածի հիշատակի անարգման» մեղադրանքով: Պատճառը Դենիզլիի գլխավոր հանրապետական դատախազի մահվան պատճառ դարձած վթարի մասին կայքում տեղ գտած լուրն է:

Դենիզլիի դատախազ Մուստաֆա Ալփերը Ֆեթհուլլահ Գյուլենի գործով առաջին մեղադրական եզրակացություն կազմողն է, ով մայիսի 10-ին տեղի ունեցած խոշոր ավտովթարի զոհ է դարձել:

Մեղադրանքը հիմնականում հիմնված է վթարի վերաբերյալ «Cumhuriyet»-ի թվիթերյան էջում հրապարակված լուրի վերնագրում տեղ գտած մի կոպիտ ձևակերպման վրա, որը սակայն, ընդամենը վայրկյաններ անց ուղղվել է: Իր ինքնապաշտպանական խոսքում Գյուվենը նշել է, որ վերնագրի ձևակերպումը անփութության և լուրի հապշտապ հրապարակման հետևանք է, իսկ բուն տեքստում բռնություն խրախուսող կամ դատախազի հիշատակը անարգող որևէ արտահայտություն իրականում տեղ չի գտել:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։