Քաղաքական08:16, 17 Մայիս 2017
Թրամփը և Էրդողանը քննարկել են ահաբեկչությամ դեմ պայքարին վերաբերող հարցեր
Մայիսի 16-ին ԱՄՆ-ի մայրաքաղաք Վաշինգտոնում կայացել է Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոլանդ Թրամփի հանդիպումը:
Թուրքական «Doğan» լրատվական գործակալության տեղեկացմամբ՝ երկու նախագահների հանդիպման օրակարգում եղել են ահաբեկչության դեմ պայքարին և հատկապես Սիրիայի քրդական ուժերին ԱՄՆ աջակցությանը, Սիրիայում ու Իրաքում տիրող իրավիճակին վերաբերող հարցեր: Հանդիպման ժամանակ խոսվել է նաև գյուլենական համայնքի հիմնադիր, ամերիկաբնակ թուրք միլիարդատեր, կրոնական գործիչ Ֆեթթուլահ Գյուլենի մասին:
Հանդիպումից հետո կայացած համատեղ ասուլիսի ժամանակ Թրամփը ընդգծել է, որ Թուրքիային և ԱՄՆ-ին կապում են դաշնակցային հարաբերությունները:
Անդրադառնալով տարածաշրջանում ահաբեկչության դեմ պայքարին՝ Թրամփը նշել է, որ ԱՄՆ-ն աջակցում է Թուրքիային այդ պայքարում: Նա որպես ահաբեկչական կազմակերոպություն «Իսլամական պետության» (ԻՊ) կողքին նշել է նաև «Քուրդիստանի բանվորական կուսակացության» (PKK-ՔԲԿ) անունը:
Նշենք, որ ԱՄՆ-ն աջակցում և զենք է մատակարարում Սիրիայում գործող «Ժողովրդավարական միություն կուսակցությանը» (PYD) և դրա ռազմական թևին՝ «Ժողովրդական ինքնապաշտպանության ջոկատներին» (YPG) , որոնց Թուրքիան համարում է PKK-ի միավորներից:
Էրդողանն իր հերթին ընդգծել է, որ պետք է պայքարել բոլոր ահաբեկչական կազմակերպությունների դեմ՝ ներառելով նաև սիրիական քրդական ուժերին, որոնց աջակցում է ԱՄՆ-ը:
«Մեր տարածաշրջանի ապագայում ահաբեկչությունը տեղ չունի: Որևէ երկրի հատկապես YPG/PYD ահաբեկչական կազմակերպության հետ համագործակցությունը բացարձակապես չի համապատասխանում այս հարցով միջազգային մակարդակով ձեռք բերված պայմանավորվածությանը»:
Նշելով, որ հանդիպման ժամանակ քննարկել են Իրաքի և Սիրիայի խնդիրները՝ Թուրքիայի նախագահը շեշտել է, որ Թրամփի նախագահ ընտրվելն այս տարածաշրջանում նոր սպասելիքների տեղիք է տվել: Նա հույս է հայտնել, որ ԱՄՆ-ի նոր իշխանություններն այդ սպասելիքները չեն փոշիացնի:
«Հատկապես տեղին ենք համարում Սիրիայի վարչակարգի կողմից վերջերս իրականացրած քիմիական հարձակումից հետո ցուցաբերված վճռական դիրքորոշումը: Հույս ունենք, որ ահաբեկչական կազմակերպությունների դեմ սկզբունքային և վճռական պայքարում շարունակական կլինեն քայլերը, որոնք փոխհատուցում կլինեն անցյալի սխալների համար»:
Ասուլիսին ավարտին Էրդողանը շնորհակալություն է հայտնել Թրամփին հրավերի և հյուրնկալության համար և ԱՄՆ նախագահին ընտանիքի հետ միասին հրավիրել է Թուրքիա:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |