Քաղաքական12:32, 23 Մայիս 2017
Թուրքիան և Վրաստանը բազմակողմանի համագործակցության պայմանագրեր են ստորագրել
Թուրքիայի և Վրաստանի միջև ստորագրվել է մշակույթի, արդարադատության, տնտեսության և կիբեր հարձակումների դեմ պաշտպանության ոլորտում համագործակցության պայմանագրեր:
Երկու երկրների ներկայացուցիչների մասնակցությամբ անցկացված բարձրաստիճան ռազմավարական համագործակցության խորհրդի նիստից հետո կողմերի միջև մի շարք փաստաթղթեր են ստորագրվել: Վրաստանի վարչապետի նստավայրում տեղի ունեցած ստորագրության արարողության ընթացքում Թուրքիայի վարչապետ Բինալի Յըլդըրըմը և Վրաստանի վարչապետ Գեորգի Կվիրիկաշվիլին նախ ստորագրել են Թիֆլիսյան հռչակագիրը:
2017-2021 թվականներին երկու երկրների միջև մշակութային համագործակցության վերաբերյալ պայմանագիրը ստորագրվել է Թուրքիայի արտգործնախարար Մևլութ Չավուշօղլուի և Վրաստանի մշակույթի ու հուշարձանների պաշտպանության նախարար Միխեիլ Գեորգաձեի միջև: Իսկ արդարադատության ոլորտում համագործակցության պայմանագիրը ստորագրվել է Թուրքիայի արդարադատության նախարար Բաքըր Բոզդաղի և Վրաստանի արդարադատության նախարար Թեա Ծուլուկիանիի միջև:
Թուրքիայի էկոնոմիկայի նախարար Նիհաթ Զեյբեքչիի և Վրաստանի էկոնոմիկայի և կայուն զարգացման նախարար Գեորգի Գախարիայի միջև ստորագրվել է երկու երկրների համատեղ առևտրատնտեսական հանձնաժողովի ստեղծման մասին համաձայնագիր: Իսկ Թուրքիայի կապի և տրանսպորտի նախարար Ահմեթ Արսլանը և Վրաստանի արդարադատության նախարար Թեա Ծուլուկիանին ստորագրել են հուշագիր՝ կիբեր հարձակումների դեմ պաշտպանության ոլորտում համագործակցության վերաբերյալ:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |