Milliyet. «Ստամբուլի գաղթականները տեղաբնիկներից երջանիկ են»

Հասարակական11:41, 24 Մայիս 2017

Milliyet. «Ստամբուլի գաղթականները տեղաբնիկներից երջանիկ են»

Ստամբուլի և Մարմարայի համալսարանի դասախոսները Թուրքիայում ապաստանած փախստականների երջանկության աստիճանը բացահայտող ուսումնասիրություն են անցկացրել: Թուրքական իշխանամետ «Milliyet» թերթի կայքի տեղեկացմամբ՝ Օզգե Գյոքդեմիրի և Սոնգյուլ Գյուլը մասնավորապես արձանագրել են, որ Ստամբուլում մշտական բնակության իրավունք ունեցող օտարերկրյա գաղթականները իրենց ավելի երջանիկ են զգում, քան տեղաբնիկները:

Ուսումնասիրության արդյունքների համաձայն՝ Թուրքիայի քաղաքացիների շրձանում կյանքից բավարարվածության միջին ցուցանիշը 6.38 է: Ստամբուլի բնակիչները դեպքում այդ ցուցանիշը կազմում է 6.47, իսկ ստամբուլաբնակ փախստականների դեպքում՝ 6.97:

Պարզվել է նաև, որր ստամբուլաբնակ գաղթականների մեջ ամենամեծ թիվ են կազմում Ուզբեկստանից, Ռուսաստանից, Թուրքմենստանից, Վրաստանից և Հայաստանից տեղափոխվածները: Ուսումնասիրությանը մասնակցած շուրջ 1000 ստամբուլաբնակ օտարազգիներից 734-ը գալիս է Թուրքիայի պես միջին եկամուտներ ունեցող որևէ երկրից:

Ուսումնասիրությունը ցույց է տվել նաև, որ գաղթական կանայք իրենց ավելի երջանիկ են զգում, եթե բարձր աշխատավարձ են ստանում, իսկ տղամարդկանց դեպքում կարևորվում է ոչ թե եկամուտների բացարձակ մեծությունը, այլ մյուս քաղաքացիների եկամուտների համեմատ դրանց հարաբերական մեծությունը:

Գաղթականների՝ իրենց երջանիկ զգալու հանգամանքի վրա ազդեցություն ունեցող մյուս գործոններից են երկրում առողջապահական համակարգը, ժողովրդավարության մակարդակը, մարդու իրավունքների պաշտպանվածությունը, ինչպես նաև՝ գաղթականների նկատմամբ խտրականության և թշնամանքի դրսևորումները:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։