Քաղաքական14:01, 25 Մայիս 2017
Գերմանիայի արտգործնախարարը Թուրքիային մեղադրել է «մուտքի արգելք» կիրառելու մեջ:
Գերմանիայի արտգործնախարար Զիգմար Գաբրիելը անդրադարձել է գերմանացի պատգամավորների մուտքը Թուրքիայի կողմից արգելվելու հարցին:
Ըստ թուրքական «Ensonhaber» լրատվամիջոցի՝ նա նշել է, որ դա նոր լարվածության պատճառ է դարձել երկու երկրների միջև: Զիգմարի խոսքերով՝ այսուհետև Թուրքիայի և Գերմանիայի երկխոսությունը հեշտ չի լինելու: Նա մեղադրել է Թուրքիային, որ գերմանացի պատգամավորների նկատմամբ «մուտքի արգելք » է կիրառել:
Միջանկյալ նշենք, որ Գերմանիայի դաշնային խորհրդարանի (Բունթեսթագ) փոխնախագահ Կլաուդիա Ռոթի գլխավորությամբ մայիսի 25-28 ընկած ժամանակահատվածում գերմանական պատվիրակությունը, որի մեջ մտնում էին մի շարք կուսակցությունների պատգամավորներ, Անկարայում, Ստամբուլում, ինչպես նաև Դիարբեքիրում պետք է հանդիպումներ անցկացնեին: Մասնավորապես ծրագրվում էր հանդիպել մի շարք քաղաքական գործիչների, պաշտոնյաների, ինչպես նաև հասարակական կազմակերպությունների ղեկավարների և ներկայացուցիչների հետ: Սակայն պաշտոնական Անկարան հանդիպումներ անցկացնելու թույլատրություն չտի տրամադրել, ինչի հետևանքով գերմանական կողմը չեղարկել է այցը:
Թուրքական աղբյուրի համաձայն՝ սպասվում է, որ նշյալ հարցը քննարկվելու է Բրյուսելում ՆԱՏՕ-ի գագաթնաժողովի շրջանակներում՝ Թուրքիայի նախագահի և Գերմանիայի կանցլերի միջև կայանալիք հանդիպման ժամանակ:
Հիշեցնենք, որ սրանից առաջ էլ թուրք-գերմանական հարաբերությունում լարվածության պատճառ էր դարձել, որ Թուրքիան գերմանացի պատգամավորներին չէր թույլատրել հանդիպել Թուրքիայի Ինջիրլիք ռազմաբազայում ծառայություն իրականացնող գերմանացի զինվորների հետ:
Թուրք մի շարք պաշտոնյաներ հայտարարեցին, որ այդ ամենը կապված է այն հանգամանքի հետ, որ Գերմանիան ապաստան է տվել մի շարք մարդկանց, ովքեր թուրքական իշխանությունների կողմից մեղադրվում են ռազմական հեղաշրջման փորձի հետ առնչություն ունենալու մեջ:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |