Քաղաքական08:27, 25 Մայիս 2017
2019թ. ընտրություններին ընդառաջ Էրդողանը միանգամից երկու քաղաքական ծրագիր կմշակի
Թուրքական «Hürriyet» թերթի կայքի սյունակագիր Աբդուլքադիր Սելվին անդրադարձել է Էրդողանի և իշխող «Արդարություն և զարգացում» կուսակցության (ԱԶԿ-AKP) առաջիկա քաղաքական ծրագրերին:
Մասնավորապես, Սելվին նշում է, որ Էրդողանի բրյուսելյան այցից հետո կադրային փոփոխություններ են սպասվում ինչպես ԱԶԿ-ի ներսում, այնպես էլ նախագահական կաբինետում: Այս մասին հայտարարել է հենց ինքը՝ Էրդողանը, Բրյուսել մեկնելուց առաջ:
Իսկ այդ փոփոխություններից հետո կկազմվեն և կհրապարակվեն ԱԶԿ-ի և Էրդողանի քաղաքական ծրագրերը, որոնք կընդգրկեն մինչև 2019թ. ավարտն ընկած ժամանակահատվածը: Ծրագրերից մեկը կկազմվի նախարարությունների կողմից, իսկ մյուսը կլինի անձամբ Էրդողանի քաղաքական ուղեցույցը:
Այդ ծրագրերում հատկապես մեծ տեղ կտրվի Գյուլենական համայնքի (FETÖ) դեմ պայքարին, և առաջիկա ՏԻՄ ընտրությունների բոլոր թեկնածուները խստորեն կուսումնասիրվեն FETÖ-ի հետ հավանական կապի տեսանկյունից:
Էրդողանի քաղաքական ծրագիրը կկազմվի ռամազանի ընթացքում և կհրապարակվի անձամբ Թուրքիայի նախագահի կողմից: Այդ ծրագրի մշակման և իրագործման համար և նախագահականում, և ԱԶԿ-ում հատուկ աշխատանքային խումբ կստեղվի:
«2019թ. ընտրություններում որևէ անակնկալից խուսափելու համար Էրդողանը հիմիկվանից է գործի անցել: Այդ իսկ պատճառով նա անձամբ կհետևի քաղաքական ծրագրի մշակման աշխատանքներին, որը պետք է ստեղծվի նախարարություններից ստացված առաջարկների հիման վրա», - գրում է հեղինակը:
Նշենք, որ 2019թ. Թուրքիայում մի քանի ընտրություններ են նախատեսված: Մարտի 30-ին կկայանան տեղական ինքնակառավարման մարմինների (ՏԻՄ) ընտրությունները: Իսկ նոյեմբերի 3-ին նախատեսված են միաժամանական և նախագահական, և խորհրդարանական ընտրությունները: ԱԶԿ-ի խնդիրն է հնարավորինս լավ պատրաստվել այդ ընտրություններին, որպեսզի 2017թ. հանրաքվեի ժամանակ գրանցված ձայների 51/49% հարաբերությունը կրկին սպառնալիք չստեղծի կուսակցության իշխանության գլուխ մնալու համար:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |