Թուրքական դատարանը Գյուլենին քաղաքացիությունից զրկելու որոշում է կայացրել

Իրավական13:45, 26 Մայիս 2017

Թուրքական դատարանը Գյուլենին քաղաքացիությունից զրկելու որոշում է կայացրել

Թուրքական դատարանը գյուլենական համայանքի հիմնադիր, իսլամի հայնտի քարոզիչ ամերիկաբնակ թուրք միլիարդատեր Ֆեթուլլահ Գյուլենին քաղաքացիությունից զրկելու որոշում է կայացրել:

Թուրքական «Doğan» լրատվական գործակալությունը տեղեկացնում է, որ Ադանայի քրեական դատարանը նման որոշում կայացրել է FETÖ-ի («Ֆեթուլլահական ահաբեկչական կազմակերպություն»՝ թուրքական մամուլն այդպես է կոչում Գյուլենի հիմնած կառույցը) գործի շրջանակներում, որում ներառված են 105 կասկածյալ, հիմնականում գործարարներ: Նրանք մեղադրվում են «ահաբեկչական կազմակերպությանն անդամակցելու» և «ահաբեկչական կազմակերպությանը ֆինանսավորելու» մեջ:

Կասկածյալների թվում է նաև Ֆեթուլլահ Գյուլենը, որի վերաբերյալ դատարանը քաղաքացիութունից զրկելու միջանկյալ որոշում է կայացրել՝ այդ մասին ծանուցում ուղարկելով Թուրքիայի արդարադատության նախարարություն:

Ծանուցման մեջ նշվում է, որ Թուրքիայի քրեական օրենսգրքի 302-րդ, 309-րդ, 310-րդ, 311-րդ, 312-րդ, 313-րդ, 314-րդ և 315-րդ հոդվածններով կասկածվող կամ մեղադրանք առաջադրված անձանց դատարան չներկայանալու դեպքում մեկ ամսվա ընթացքում քաղաքացիությունից զրկելու մասին պետք է ծանուցել նախարարությանը:

Աղբյուր` Ermenihaber.am