2006-2016թթ. Թուրքիայում ազատությունները աննախադեպ հետընթաց են ապրել

Իրավական08:20, 30 Մայիս 2017

2006-2016թթ. Թուրքիայում ազատությունները աննախադեպ հետընթաց են ապրել

Թուրքական «Karar» թերթի կայքի սյունակագիր, Էթյեն Մահչուփյանն անդրադարձել է ամերիկյան «Freedom House» կազմակերպության հրապարակած «Ազատությունն աշխարհում 2017» զեկույցին:

Ըստ այդմ՝ 2016թ. ամենամեծ հետընթաց ապրած երկրների ցանկում Թուրքիան առաջին տեղում է: Մեկ տարվա ընթացքում 15 միավոր կորցնելով՝ վաստակել է ընդամենը 38 միավոր: 1-7 միավորանոց սանդղակով (1-ամենաազատ, 7-ամանաանազատ) գնահատելիս հասարակության ազատությունների և իրավունքների ոլորտը գնահատվել է միջին՝ 4-5 միավորով: Մամուլի և ինտերնետի ազատության առումով Թուրքիան անազատ է, իսկ ընդհանուր առմամբ գնահատվել է որպես մասամբ ազատ երկիր:

«Այս անկման պատճառը 2016թ. հուլիսյան հեղաշրջման փորձից հետո կիրառված համատարած ձերբակալությունները, աշխատանքից եհռացումներն ու հաստատությունների գործունեության դադարեցումներն են: Սակայն խնդիրը միայն անցյալ տարվա դեպքերով չի սահմանափակվում:

2006-2016թթ. համեմատելիս պարզ է դառնում, որ Թուրքիան ազատությունների առումով ամենաշատ հետընթաց ապրող երկրորդ երկիրն է: (Առաջին տեղում Կենտրոնֆրիկյան Հանրապետությունն է): Ընդհանուր առմամբ 28 միավորի կորուստ է գրանցվել: Եթե կարողանայինք փոխհատուցել այդ կորուստը և վերադառնալ 2006թ. վիճակին, ապա այսօրվա Մեքսիկայի, Կոլումբիայի և Պարագվայի մակարդակին կհասնեինք»,- գրել է Մահչուփյանը:

Աղբյուր` Ermenihaber.am