Թուրքիան աշխարհում 2-րդ տեղում է՝ ծխելու հետևանքով առաջացող մահացությունների թվով

Հասարակական07:40, 31 Մայիս 2017

Թուրքիան աշխարհում 2-րդ տեղում է՝ ծխելու հետևանքով առաջացող մահացությունների թվով

Առողջապահության համաշխարհային կազմակերպությունը (ԱՀԿ) մայիսի 31-ը նշում է որպես ծխելը թողնելու օր: Այս առթիվ «BBC Türkçe»-ն անդրադարձել է Թուրքիայում ծխախոտի օգտագործման և դրա հետևանքների թեմային:

ԱՀԿ-ն, «Քաղցկեղի դեմ պայքարի ամերիկյան միությունը» և «Թոքերի առողջության պահպանման համաշխարհային հիմնադրամը» (World Lung Foundation) համատեղ կազմել են ծխախոտի տարածվածության քարտեզ: Համաձայն դրա՝ Թուրքիայում տղամարդկանց 31 տոկոսը մահանում է ծխելու հետևանքով առաջացող հիվանդություններից:

Այս ցուցանիշով Թուրքիան ողջ աշխարհում երկրորդ տեղում է Հյուսիսային Կորեայից հետո: Ծխելու հետևանքով առաջացող մահացու հիվանդությունների մակարդակով երրորդ, չորրորդ և հինգերորդ տեղերում Բոսնիա և Հերցոգովինան, Հայաստանը և Հունաստանն են՝ 30 տոկոս ցուցանիշով:

Թուրք կանանց շրջանում ծխելու հետևանքով առաջացող մահացու հիվանդությունների թիվն ավելի քիչ է՝ 12 տոկոս: Ամեն տարի Թուրքիայոմ ծխելու հետևանքով մահանում է 83.100 մարդ: Ընդհանուր առմամբ, այս երկրում մեծահասակների շրջանում ծխողների թիվը կազմում է 14.5 միլիոն, իսկ անչափահասների շրջանում՝ 252.000: Ընդ որում, ծխախոտ է օգտագործում անչափահաս տղաների 10.2 և անչափահաս աղջիկների 5.3 տոկոսը:

Թուրքիայի վիճակագրական ընկերության (ԹՎԸ-TÜİK) տվյալների համաձայն՝ Թուրքիայում 15-ից բարձր տարիքային խմբին պատկանող քաղաքացիների 27.3 տոկոսը ամեն օր ծխախոտ է օգտագործում: Ընդ որում, ամեն օր ծխախոտ է օգտագործում տղամարդկանց 41.8 տոկոսը և կանաց 13.1 տոկոսը:

Ամենից շատ ծխում են 25-34 տարեկան տղամարդիկ (51.2 տոկոսը) և 35-44 տարեկան կանայք (19.7 տոկոս): Մեկ տարվա ընթացքում (2014թ. տվյալներով) Թուրքիայում մեկ անձն օգտագործում է միջինում 1500-25000 ծխախոտ, ինչը նշանակում է, որ միջին վիճակագրական ծխողը օրական օգտագործում է 4-7 ծխախոտ:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։