Իրավական09:47, 16 Հունիս 2017
Թիլերսոնը՝ Վաշինգտոնում Էրդողանի թիկնապահների հարձակման մասին. «ԱՄՆ-ն դա չի հանդուրժի»
ԱՄՆ-ն Թուրքիայի նախագահ Ռեջեփ Թայիփ Էրդողանի 12 թիկանապհներին Վաշինգտոնում բռնություն կատարելու մեղադրանքով ձերբակալելու որոշում է կայացրել:
«CnnTürk» լրատվական ծառայության փոխանցմամբ՝ Էրդողանի անվտանգության աշխատակիցներին ձերբակալելու որոշման մասին համատեղ ասուլիսի ժամանակ հայտարարել են Վաշինգտոնի ոստիկանության պետ Փիթեր Նյուշեմը և Վաշինգտոնի քաղաքապետ Մյուրել Բոուսերը: Մամուլի ասուլիսի ժամանակ ուշադրություն են գրավել Էրդողանի թիկնապահների նկարները, որոնց վրա գրված է եղել. «որոնվում են»:
Վաշինգտոնի ոստիկանության պետը հայտնել է, որ բացահայտել են խաղաղ ցույցարաների նկատմամբ բռնություն կիրառած 16 անձի, որոնցից 2-ը ԱՄՆ-ի, 2-ը Կանադայի, իսկ մյուսները Թուրքիայի քաղաքացիներ են: Խաղաղ ցուցարարների վրա հարձակում կատարած անձինք ԱՄՆ ժամանելուն պես կձերբակալվեն:
Թուրքական «Aydınlık» լրատվական կայքը հայտնում է, որ Էրդողանի 12 թիկնապահներին ձերբակալելու որոշման մասին հայտարարություն է արել ԱՄՆ պետքարտուղար Ռեքս Թիլերսոնը:
Պետքարտուղարը Թուրքիայի նախագահի անվտանգության ծառայողներին ներկայացված մեղադրանքները համարում է հստակ ուղերձ այն մասին, որի ԱՄՆ չի հանդուրժում խոսքի ազատությունը ճնշելու համար բռնության դիմող անձանց:
Թիլերսոնի հայտարարությունը լրագրողներին ներկայացրել է պետքարտուղարության մամուլի Խոսնակ Հիթեր Նոուերթը, որը պատասխանելով լրագրողի հարցին, թե ԱՄՆ-ն պահանջելու է արտահանձնել որոնվող անձանց, ասել է. «Հետաքննության շրջանակներում շարունակվում է փաստերի քննությունը: Թե ինչպիսի հավելյալ քայլերի կարիք կլինի, դեռ կքննարկենք: Մեր քայլերը մեղադրանքներին համաչափ կլինեն: Մենք անվտանգության մարմինների հետ միասին աշխատում ենք, որ բռնության պատասխանատունները այս գործողությունների համար պատասխանատվություն կրեն»:
Նշենք, որ Էրդողանի թիկնապահների նկատմամբ ձերբակալման որոշումը դժգոհությունն է առաջացրել Թուրքիայիում: Անկարայում ԱՄՆ-ի դեսպան Ջոն Բասը բացատրություն տալու համար կանչվել է արտգործնախարարություն:
Հիեցնենք, որ մայիսի 16-ին Թուրքիայի նախագահի ԱՄՆ այցի դեմ բողոքելու համար հայ, քուրդ, եզդի և ասորի համայնքների ներկայացուցիչները հավաքվել էին Վաշինգտոնում Թուրքիայի դեսպանատան մոտ: Էրդողանի անվտանգության աշխատակիցները խմբով հարձակվել են Վաշինգտոնում Թուրքիայի դեսպանատան հարևանությամբ անցկացվող խաղաղ ցույցի մասնակիցների վրա և դաժան ծեծի ենթարկել նրանց: Ցուցարարներից մի քանիսը լուրջ վնասվածքներով տեղափոխվել են հիվանդանոց:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |