Յըլդըրըմը հեգնել է ընդդիմության առաջնորդին. Քայլերթի կարիք չկա, կարող է արագընթաց գնացքով գնալ

Տարածաշրջան13:55, 16 Հունիս 2017

Յըլդըրըմը հեգնել է ընդդիմության առաջնորդին. Քայլերթի կարիք չկա, կարող է արագընթաց գնացքով գնալ

Յըլդըրըմը, խոսելով ընդդիմության կազմակերպած Անկարա-Ստամբուլ 28 օրանոց բողոքի երթի մասին ասել է. «Պարոն Քըլըչդարօղլուն ինչի համար է քայլում: Լսել եմ՝ ասում է, որ գնում է Էնիս Բերբերօղլուին (բանտարված ԺՀԿ-ական պատգամավոր-խմբ.) տեսության: Այնտեղ գնալու համար ռամազանի ամսին ու այս տաք եղանակին քայլելու կարիք չկա: կարող է գնացքով գնալ, այն էլ՝ արագընթաց գնացքով: Ինչու՞ է տանջում ինքն իրեն:»

Թուրքիայի վարչապետը ընդդիմությանը կոչ է արել հարգել օրենքները՝ ակնարկելով, որ առաջին ատյանի դատարանի որոշումը կարելի է բողոքարկել վերին ատյաններում:

Յըլդըրըմը հիշեցրել է նաև, որ ընդդիմության մի շարք անդամներ, այդ թվում՝ ազատազրկված Բերբերօղլուն մեջլիսում ժամանակին կողմ են քվեարկել պատգամավորների անձեռնմխելիությունից զրկելու հնարավորություն տվող օրենքին ու ավելացրել, որ Քլըչդարօղլուն այն ժամանակ պետք է հասկանար, որ դա արվոմ է դատական գործեր հարուցելու նպատակով:

Թուրքիայի վարչապետը ավելացրել է նաև, որ բողոքի քայլերթը անցկացնելը անպատասխանատու քայլ է, քանի որ հղի հնարավոր սադրանքներով:

«Սադրանքների հնարավորությունը փոքր չէ: Փողոց դուրս գալիս այդ հավանականությունը միշտ էլ կա` չննայած սադրանքները կանխոլու համար համապատասխան միջոցառումներ են ձեռնարկվել:Փողոցում արդարություն փնտրելը չտեսնված բան է: Հարցերը լուծելու վայրը մեջլիսն է: Արդարության հասնելու վայրերն էլ՝ դատարանները: Քըլըչդարօղլուն շարքային մարդ չէ, գլխավոր ընդդիմադիր կուսակցության առաջնորդն է: Ամենից շահ հենց նա պետք է հարգանք ցուցաբերի սահմանադրության ու օրենքների նակատմամբ: Այդ ճանապարհը, ճանապարհ չէ: Խորհուրդ եմ տալիս հրաժարվել այդ նախաձեռնությունից»:

Հիշեցնենք, որ 25 տարվա ազատազրկման դատապարտվելուց հետո հունիսի 14-ին դատարանի դահլիճում կալանավորվել է ԺՀԿ պատգամավոր Էնիս Բերբերօղլուն, ինչից հետո էլ նրա կուսակիցները ԺՀԿ առաջնորդ Քեմալ Քըկըչդարօղլուի ղեկավարությամբ նախաձեռնեցին բողոքի քայլերթը:

Բերբերօղլուին մեղադրանք էր առաջադրվել «MİT-ի (Թուրքիայի ազգային հետախուզական ծառայության) բեռնատարների» գործով: Ընդդիմադիր պատգամավորը ձերբակալվել էր Սիրիայի ընդդիմադիր զինված խմբավորումներին զենք մատակարարող MİT-ի բեռնատարների նկարները «Ջումհուրիյեթ» թերթի գլխավոր խմբագիր Ջան Դյունդարին հանձնելու համար: (Վերջինս թերթում լույս տեսած հոդվածում հրապարակել էր այդ լուսանկարները):

Բերբերօղլուին մեղադրանք էր առաջադրվել «Պետական գաղտնի փաստաթղթերը զինվորական և քաղաքական լրտեսության նպատակով ձեռք բերելու և ահաբեկչական կազմակերպություններին (գյուլենականներին-FETÖ և Սիրիայի քրդերին -PYD) օգնելու համար»:

Առաջադրված մեղադրանքների հիման վրա դատարանը պատգամավորին նախ դատապարտել էր ցմահ բանտարկության, իսկ վերջնական պատիժը սահմանել 25 տարվա ազատազրկում:

Աղբյուր` Ermenihaber.am