Ղազախստանը նախատեսում է ավելացնել ներդրումները Թուրքիայում

Տնտեսական07:41, 17 Հունիս 2017

Ղազախստանը նախատեսում է ավելացնել ներդրումները Թուրքիայում

Տնտեսական համագործակցությունն ու ներդրումներն ընդլայնելու նպատակով հունիսի 12-13-ը Թուրքիայի Ադանա քաղաք է այցելել այդ երկրում Ղազախստանի դեսպան Աբզալ Սափարբեկուլիի գլխավորած պատվիրակությունը:

Ըստ թուրքական «Hurriyet» թերթի կայքի` տեղական իշխանությունների արդյունաբերության պատասխանատուների հետ Սափարբեկուլիի անցկացրած հանդիպումների արդյունքների մասին մեկնաբանություններ է արել Ադանայում Ղազախստանի պատվավոր հյուպատոս Թարքան Քուլաքը:

Վերջինս նշել է, Ադանայի նահանգապետի ու քաղաքապետի հետ անցկացրած հանդիպումներց բացի` Սափարբեկուլիի մնացած բոլոր հանդիպումներն ու բանակցությունները եղել են տնտեսական բնույթի:

Ղազախստանի դեսպանը հանդիպումներ է ունեցել առևտրի ու արդյունաբերության պալատների, ինչպես նաև առևտրային բորսայի պատասխանատուների հետ:

Քուլաքը նշել է, որ այդ հանդիպումներն անցել են շատ արդյունավետ և նոր պայմանավորվածություններ են ձեռք բերվել Ադանայում Ղազախստանի ավանդական դարձած ներդրումներն ավելի ընդլայնելու ուղղությամբ:

Քուլաքը խոսել է նաև Ղազախստանի ներդրումային միջավայրի համար` նշելով, որ իր երկիրը թուրք և այլ օտարերկրյա գործարարների համար նպաստավոր հարթակ կարող է լինել, քանի որ Ղազախստանը ազատ առևտրի գոտում է գտնվում Ռուսաստանի, Բելոռուսի, Ղրղստանի ու Հայաստանի հետ:

Աղբյուր` Ermenihaber.am