Էրդողանը նախատեսում է մեկնել Գերմանիա

Քաղաքական12:37, 19 Հունիս 2017

Էրդողանը նախատեսում է մեկնել Գերմանիա

Հուլիսի 7-8 ընկած ժամանակահատվածում Թուրքիայի նախագահ Ռեջեփ Թայիփ Էրդողանը կլինի Գերմանիայում: Ըստ թուրքական «Haberler» լրատվամիջոցի՝ սպասվում է, որ Թուրքիայի նախագահը գերմանացի բարձրաստիճան պաշտոնյաների հետ կքննարկի Ինջիրլիք ռազմաբազայի հետ կապված թուրք-գերմանական լարված հարաբերությունները:

Նաև կքննարկվի Թուրքիայի այն քաղաքացիների արտահանձման հարցը, որոնք ապաստան էին խնդրել Գերմանիայի իշխանություններից: Նրանք Թուրքիայի իշխանությունների կողմից մեղադրվում էին ռազմական հեղաշրջման փորձի հետ առնչություն ունենալու մեջ:

Հիշեցնենք, որ թուրք-գերմանական հարաբերությունները լարվել էին, երբ 2016թ. հունիսի 2-ին Բունդեսթագը ընդունել էր Հայոց ցեղասպանությունը ճանաչող և դատապարտող բանաձև: Դրանից հետո Թուրքիան արգելել էր գերմանացի պաշտոնյաների մուտքը Ինջիրլիքի ռազմաբազա: Լարվածությունը խորացել էր 2016թ հուլիսի 15-ին ռազամական հեղաշրջման փորձից հետո Գերմանիայի դիրքորոշման պատճառով: Գերմանիան հրաժարվել էր Թուրքիային արտահանձնել քաղաքական ապաստան ստացած Թուրքիայի քաղաքացիներին:

Թուրքիայի իշխանությունները դրան պատասխանեցին կրկին Ինջիրլիք այցելությունը արգելելով: Գերմանիան էլ հայտարարեց իր զինվորականներին Ինջիրլիքից դուրս բերելու և Հորդանան կամ այլ երկիր տեղափոխելու մտադրության մասին:

Աղբյուր` Ermenihaber.am

Այս ենթաբաժնի վերջին նորությունները

09:48, 28 նոյ

Թուրքիայի գլխավոր ընդդիմադիր կուսակցությունն առաջ է անցնում իշխող քաղաքական ուժից

Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։

09:26, 28 նոյ

Թուրքիայի ամենախելացի քաղաքն Էսքիշեհիրն է

Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։