Միջազգային13:01, 19 Հունիս 2017
Թուրքական առաջին զորախումբն արդեն Կատարում է
Թուրքիայի զինված ուժերի առաջին զորախումբը Կատարի բանակի ստորաբաժանումների հետ համատեղ զորավարժություն անցկացնելու նպատակով արդեն ժամանել է մայրաքաղաք Դոհա:
Ըստ թուրքական «Milliyet» թերթի կայքի՝ առաջին համատեղ զորավարժությունը տեղի է ունենալու Կատարի Թարըք Բին Զիյադ ռազմաբազայում, որտեղ տեղակայվելու են թուրք զինվորականները:
Նշվում է, որ զորավարժությունը նախօրոք պլանավորված է և 2 երկրների միջև պաշտպանական բնագավառում ավելի վաղ կնքված համաձայնագրի մաս է կազմում:
Կատարի տարածքում թուրքական ռազմաբազա հիմնելու մասին պայմանագիր 2 երկրների միջև ստորագրվել էր դեռևս 2014 թվականին: Իսկ նույն թվականի հունիսին Թուրքիայի խորհրդարանը վավերացրել էր ստորագրված պայմանագիրը:
Ըստ ավելի վաղ հաղորդված տեղեկությունների՝ ռազմաբազայում տեղակայվելու են 10 հազար զինվոր: Բացի դրանից տեղակայվելու են ռազմաօդային և ռազմածովային ուժեր, ինչպես նաև հատուկ նշանակության ջոկատներ:
Հիշեցնենք, որ Թուրքիայի կառավարության առաջարկով հունիսի 7-ին մեջլիսի լիագումար նիստում արտահերթ կարգով քննարկման դրվեց և հաստատվեց 2 երկրների միջև ավելի վաղ կնքված համաձայնագրով Կատարի տարածքում թուրքական զինված ուժերի ստորաբաժանումներ տեղակայելու նախագիծը:
Կատարի տարածքում բանակի և ժանդարմերիայի ստորաբաժանումներ տեղակայելու մասին համաձայնագրերը նախատեսվում էր ավելի ուշ քննարկել, սակայն Սաուդյան արաբիայի գլխավորությամբ արաբական մի քանի երկրների և Կատարի միջև ստեղծված ճգնաժամի պատճառով դրանք քննարկվեցին արտահերթ կարգով:
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
«Մեր ջրի աղբյուրների արդյունավետ օգտագործումն ու ճիշտ կառավարումը ոչ թե ընտրություն է, այլև ազգային անվտանգության խնդիր»։
Որոնման աշխատանքների մեջ ներգրավված է «Թուրքիայի նավթային կորպորացիայի» (TPAO) 200 հոգուց բաղկացած անձնակազմ և 30 տեխնիկա։
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |