Թուրքիան առաջինն է Եվրոպայում՝ սինթետիկ թմրամիջոցների հարուցած մահերի թվով

Հասարակական08:26, 28 Հունիս 2017

Թուրքիան առաջինն է Եվրոպայում՝ սինթետիկ թմրամիջոցների հարուցած մահերի թվով

«Ajans Press»-ը, վերլուծելով ՄԱԿ-ի թմրամիջոցների և հանցագործության դեմ պայքարի գրասենյակի տվյալները, ողջ աշխարհում թմրամիջոցների օգտագործման վերաբերյալ զեկույց է կազմել: Թուրքական «Birgün» թերթի կայքի տեղեկացմամբ՝ զեկույցում արձանագրվել է, որ երկրագնդի բնակչության 5 տոկոսը (շուրջ 250 մլն մարդ) ամենաքիչը մեկ թմրամիջոց է օգտագործում:

Վերջին տարիներին ողջ աշխարհում թմրանյութերի պատճառով գրանվող մահերի թիվը անփոփոխ է մնացել՝ կազմելով շուրջ 207.000: Ընդ որում, ամենատարածված թմրամիջոցը մարիխուանան է. ենթադրվում է, որ այդ նյութն օգտագործում է մոտ 183 մլն մարդ: Տարածվածությամբ երկրորդ տեղում են ամֆետամինները: Երրորդ հորիզոնականում հերոինն է, որի օգտագործումը թեև նախորդ տարիներին նվազել էր, բայց վերջին երկու տարում այն կրկին մեծ տարածում է ստացել հատկապես Հյուսիսային Ամերիկայում, Կենտրոնական և Արևմտյան Եվրոպայում:

Իսկ Թուրքիայում թմրամիջոցների օգտագործումը վտանգավոր մասշտաբների է հասնում: Միայն 2015թ. այս երկրում թմրամիջոցների չափազանց մեծ չափաբաժին օգտագործելու պատճառով մահացել է 580 մարդ: Սինթետիկ թմրամիջոցների պատճառով գրանցվող մահերի թվով Թուրքիան առաջինն է Եվրոպական երկրների ցանկում: Սինթետիկ թմրամիջոցներից այս երկրում հատկապես նախապատվություն է տրվում ֆենազեպամին, որը համեմատաբար էժան է և հեշտ է ձեռք բերվում: Հենց դրա պատճառով էլ այս տեսակի թմրամիջոցներ ավելի հաճախ են մահվան պատճառ դառնում:

Թուրքական մամուլը թմրամիջոցների դեմ պայքարին և այս ոլորտում զարգացումներին մեծ տեղ է տալիս: Միայն 2017թ. մամուլում թեմայի վերաբերյալ 39.896 լուր է հրապարակվել: Անցյալ տարվա ընթացքում արդ հրապարակումների թիվը կազմել էր 32.379: Վերջին 4 տարում Թուրքիայում միայն ֆենազեպամի մասին 4.889 լուր է հրապարակվել: Այդ թմրամիջոցը վերջին տարիներին չափազանց մեծ տարածում է գտել և ամենից հաճախ է մահվան պատճառ դառնում:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։