2017թ. մայիսին Թուրքիա մեկնող զբոսաշրջիկների թիվն աճել է 1384 տոկոսով

Հասարակական12:02, 29 Հունիս 2017

2017թ. մայիսին Թուրքիա մեկնող զբոսաշրջիկների թիվն աճել է 1384 տոկոսով

Վերջին շրջանում Թուրքիա մեկնող զբոսաշրջիկների թիվը աննախադեպ աճել է: Թուրքական «Sondakika» լրատվակայքի համաձայն՝ այս մասին տեղեկացնում է Թուրքիայի զբոսաշրջության նախարարությունը:

2017թ. ապրիլին Թուրքիա ժամանող օտարերկրյա զբոսաշրջիկների ընդհանուր թիվն աճել է 18.1 տոկոսով, մայիսին՝ 16.27 տոկոսով: Մայիսին հանգստի նպատակով այս երկիր այցելած օտար երկրների քաղաքացիների թիվը կազմել է 2.89 մլն:

Իսկ ռուս զբոսաշրջիկները, ովքեր անցյալ տարի ընդհանրապես դադարել էին Թուրքիա մեկնել, ռեկորդային ակտիվություն են գրանցել: Երկարատև դադարից հետո 2017թ. մայիսին Թուրքիա է այցելել 608.472 ռուս զբոսաշրջիկ: Այդ ցուցանիշը շուրջ 1384 տոկոսով գերազանցում է ռուս-թուրքական ճգնաժամի ընթացքում Թուրքիա մեկնող ռուսների թիվը:

Մայիսին Թուրքիա այցելած զբոսաշրջիկների ամենամեծ խումբը կազմել են հենց ռուսները՝ 21.6 տոկոս: Երկրորդ տեղում գերմանացիներն են՝ 10.21 տոկոս (295.007 այցելու) ցուցանիշով: Երրորդ տեղում վրացիներն են՝ 8.15 տոկոս (235.462 այցելու) ցուցանիշով:

2017թ. հունվար-մայիս ամիսներին Թուրքիա մուտք գործած օտարազգի այցելուների ընդհանուր թիվը աճել է 5.55 տոկոսով՝ կազմելով 8.76 մլն: Այս ժամանակահատվածում ևս ամենից շատ զբոսաշրջիկներ են այցելել Ռուսաստանից (10.59 տոկոս կամ 928.376 մարդ), Վրաստանից (9.99 տոկոս կամ 874.955 մարդ) և Գերմանիան (9.86 տոկոս կամ 863.572 մարդ):

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։