Թուրքայի Աֆրոդիսիաս քաղաքը համալրել է UNESCO-ի համաշխարհային ժառանգության ցանկը

Մշակութային09:49, 10 Հուլիս 2017

Թուրքայի Աֆրոդիսիաս քաղաքը համալրել է UNESCO-ի համաշխարհային ժառանգության ցանկը

UNESCO-ի համաշխարհային ժառանգության հանձնաժողովի 41-րդ նիստում որոշում է կայացվել Թուրքիայի Այդըն նահանգում գտնվող Աֆրոդիսիաս հունական հնագիտական քաղաքը ներառել համաշխարհային մշակութային ժառանգության ցանկում` որպես հունահռոմեական շրջնի ճարտարապետության և քաղաքաշինության յուրահատկությունները արտացոլող լավագույն օրինակ:

Թուրքական «T24» լրատվական կայքի տեղեկացմամբ՝ Աֆրոդիսիասի տաճարը կառուցվել է Ք. Ա. 3-րդ դարում, իսկ քաղաքը հիմնադրվել է մեկ դար անց։

UNESCO-ի համաշխարհային ժառանգության ցանկում են ներառված նաև ներկայիս Թուրքիայի տարածքում գտնվող 17 մշակութային հուշարձան.

1. Ստամբուլի պատմական շրջանները
2. Գյորեմի ազգային այգին և Կապադովկիայի քարանձավները
3. Դիվրիղիի մեծ մզկիթն ու հիվանդանոցը
4. Հատտուսա հնագույն քաղաքը
5. Նեմրութ լեռան հնագիտական հայտնագործությունները
6. Հիերապոլիս հնագույն քաղաքն ու Փամմուքքալեի աղբյուրները
7. Քսանֆ հնագույն քաղաքը և Լետոնի տաճարը
8. Սաֆրանբոլու քաղաքը
9. Տրոյայի հնագիտական հուշարձանները
10. Սելիմիե մզկիթն ու հարակից սեցիալական մասնաշենքերը
11. Նեոլիթի ժամանակաշրջանի Չաթալ Հույուք բնակավայրը
12. Սելջուկյան Բուրսա Ջումալըքըզըք բնակավայրերը
13. Պերգամոն ու հարակից մշակութային լանդշաֆտները
14. Եփեսոսը
15. Դիարբեքիրի ամրոցը և Հեւսելի այգիները
16. Անին
17. Աֆրոդիսիաս քաղաքը

Եվս 71-ը ներառված են թեկնածու հուշարձանների ցանկում։

Աղբյուր` Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։