Իրավական11:59, 12 Հուլիս 2017
Շվեդ պատգամավորները ցեղասպանության մեղադրանքով Էրդողանի դեմ հայց են ներկայացրել
Շվեդիայի խորհրդարանի մի խումբ պատգամավորներ Թուրքիայի նախագահ Ռեջեփ Թայիփ Էրդողանի և նրա կուսակցության դեմ հայց են ներկայացրել Ստոկհոլմի միջազգային դատախազություն: Այս մասին տեղեկացնում է քրդական «ANF» լրատվակայքը:
Պատգամավորները Էրդողանին և իշխող «Արդարություն և զարգացում» կուսակցության (ԱԶԿ- AKP) որոշ այլ առաջնորդների մեղադրել են ցեղասպանության, մարդկության դեմ գործված հանցանքների և ռազմական հանցագործությունների մեջ:
Ներկայացված հայցում նշվել է, որ 2015թ. հուլիսից մինչև 2016թ. դեկտեմբերն ընկած ժամանակահատվածում թուրքական զինուժը Շըրնաք, Սիլոպի, Ջիզրե և Սուր բնակավայրերի մի շարք շրջանները գետնին է հավասարեցրել՝ սարսափ տարածելով ժողովրդի շրջանում և նրանց իրենց բնակավայերից տեղահանելով:
Որպես ապացույց ներկայացվել են ՄԱԿ-ի, «Amnesty International» և «Mazlum Der» իրավապաշտպան կազմակերպությունների, ինչպես նաև՝ Թուրքիայի «Մարդու իրավունքների միության» կողմից հրապարակված զեկույցները և նշված վայրերում ավերածություններից ու կոտորածներից հետո արված լուսանկարներ:
Շվեդիայի 2014:406 օրենքի սահմաններում Էրդողանին սպառնում է 4 տարուց մինչև ցմահ ազատազրկում՝ ցեղասպանության, 6 տարվա ազատազրկում՝ անմարդկային միջոցների կիրառման և 6 տարվա ազատազրկում՝ ռազմական հանցագործությունների համար:
Շվեդ պատգամավորների պնդմամբ՝ Քուրդիստանում տեղի ունեցած ցեղասպանության հիմնական պատասխանատուն հենց Էրդողանն է: Սակայն նրա հետ որպես հանցակիցներ են մատնանշվել Թուրքիայի վարչապետ Բինալի Յըլդըրըմը, նախկին վարչապետ Ահմեթ Դավութօղլուն, ներքին գործերի նախարար Սուլեյման Սոյլուն, ներքին գործերի նախկին նախարար Էֆկան Ալան, պաշտպանության նախարար Ֆիքրի Ըշըքը և պաշտպանության նախկին նախարար Իսմեթ Յըլմազը:
Շվեդիայի օրենքների համաձայն՝ ցեղասպանությունների, ռազմական հանցագործությունների և մարդկության դեմ գործված հանցանքների վերաբերյալ 2014:406 օրենքը կարող է կիրառվել այդ հանցանքը կատարած ցանկացած մեկի դեմ՝ անկախ հանցանքի կատարման երկրից: Այդ իսկ պատճառով վերոնշյալ անձիք Շվեդիա այցելելու դեպքում ներկայացված հայցի հիման վրա կարող են դատարանի առաջ կանգնել:
Շվեդական մամուլը լայնորեն անդրադարձել է շվեդ պատգամավորների այս քայլին: Թեման քննարկման է դրվել երկրում ամենից շատ հանդիսատես ունեցող TV4 հեռուստաալիքի եթերում: Հաղորդմանը մասնակցած իրավաբանները նշել են, որ Էրդողանին և նրա թիմակիցներին շատ ծանր մեղադրանքներ են առաջադրվել և Շվեդիա այցելելու դեպքում նրանք կարող են ձերբակալվել:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Լոնդոնում կազմակերպվել է նրանց հանդիպումը։
Թուրքական «Repkon» ընկերությունը, որը մասնագիտացած է ռազմական ոլորտի արտադրական հոսքագծերի կառուցման մեջ, պայմանագիր է կնքել Պակիստանի «Wah Industries Limited»-ի հետ:
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |