Տարածաշրջան13:10, 18 Հուլիս 2017
Ստամբուլի երթևեկությունը ջրհեղեղի պատճառով կաթվածահար է եղել (տեսանյութ)
Ստամբուլում հորդառատ անձրևից առաջացած հեղեղումների պատճառով խափանվել է մետրոյի աշխատանքը, հետաձգվել են թռիչքներ, կաթվածահար է եղել քաղաքի երթևեկությունը:
Թուրքական «Habertürk» լրատվական կայքի տեղեկացմամբ՝ Թուրքիայի վարչապետ Բինալի Յըլդըրըմը հորդառատ տեղումները աղետ է որակել՝ նշելով, որ ամեն ինչ վերահսկողության տակ է գտնվում, մարդկային կորուստներ չկան, իսկ վնասները վերացնելու համար անհրաժեշտ քայլերը կարվեն:
Բնակչությանն ուղղված կոչով և զգուշացումներով հանդես են եկել Ստամբուլի նահանգապետարանը, Ստամբուլի քաղաքապետարանը, Անտառային տնտեսությունների և ջրային պաշարների հարցերով նախարարությունը: Վերջինի հայտարարության մեջ նշվում է, որ տեղումները կշարունակվեն մինչև չորեքշաբթի երեկո: Նախարարությունը քաղաքացիներին խնդրել է առանց խիստ անհրաժեշտության տնից դուրս չգալ, խուսափել թեթև մարդատար մեքենաներ վարելուց, փոխարենն օգտվել հասարակական տրանսպորտից:
Թուրքիայի օթերևութաբանության վարչությունը տեղեկացրել է, որ տեղումները տեղական ժամանակով 15:00-ից հետո կմեղմանան, սակայն կշարունակվեն մինչև չորեքշաբթի երեկո: Ըստ հայտարարության կեսօրվա ընթացքում գրանցված տեղումների ծավալը ռեկորդային է եղել վերջին 32 տարվա ընթացքում: 12 ժամում Ստամբուլում տեղացել է մեկ տարվա ընթացքում տեղացող անձրևների ¼-ը:
Այս ենթաբաժնի վերջին նորությունները
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Թուրքական թերթը գրում է, որ Թուրքիայում ահաբեկչական ճանաչված «Քուրդիստանի բանվորական կուսակցությունը» առաջիկայում ինքնալուծարվելու է:
Կողմերը քննարկել են Օմանում կայացած ԱՄՆ-Իրան բանակցությունները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |