Ուժգին երկրաշարժ Թուրքիայում

Հասարակական07:29, 21 Հուլիս 2017

Ուժգին երկրաշարժ Թուրքիայում

Հուլիսի 21-ին Էգեյան ծովում տեղի է ունեցել ուժգին երկրաշարժ, որը որը զգացվել է Թուրքիայի Մուղլա շրջանում, ինչպես նաև Հունաստանին պատկանող Կոս կղզում: Թուրքական «Haberler» լրատվամիջոցը, հղում անելով Թուրքիայի աղետների և արտակարգ իրավիճակների վարչությանը (AFAD), նշում է, որ ստորգետնյա ցնցման հզորությունը կազմել է 6.3 բալ:

Երկրաշարժի հետևանքով Թուրքիայի Բոդրում շրջանում վիրավորվել է 70, իսկ Մուղլայի Դատչա շրջանում 20 մարդ: Փլուզվել են մի շարք շենք-շինություններ: Իսկ հունական կողմում եղել է երկու զոհ:

Ստամբուլի Բողազիչի համալսարանի երկրաշարժների ուսումնասիրության ինստիտուտի հաղորդած տվյալներով` Էպիկենտրոնը գտնվել է Էգեյան ծովի մեջ մտնող Գյոքովա ծոցում:

Երկրաշարժի հետևանքով Թուրքիայի ափամերձ գոտիներում բնակվողների շրջանում մեծ խուճափ է առաջացրել, իսկ պատկան մարմինները բնակիչներին խորհուրդ են տվել չմնալ իրենց տներում:

Նշվում է, որ ստորգետնյա այդ ցնցմանը հաջորդել են նաև հետցնցումներ՝ 4.5 բալ հզորությամբ:

Թուրքական «Aydinlik» լրատվակայքն էլ նշում է, որ երկրաշարժի հետևանքով Բոդրումում նույնիսկ ջրհեղեղ է սկսվել:

Տեղեկացնենք, որ Աթենքում ՀՀ դեսպանության նախնական տվյալներով երկրաշարժի ժամանակ ՀՀ քաղաքացիներ չեն տուժել:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։