Նոր նշանակումներ Թուրքիայի ԶՈՒ ղեկավարույթյունում

Քաղաքական08:28, 03 Օգոստոս 2017

Նոր նշանակումներ Թուրքիայի ԶՈՒ ղեկավարույթյունում

Անկարայի Չանքայա պալատում օգոստոսի 2-ին կայացել է երկրի Բարձրագույն զինվորական խորհրդի (YAŞ) նիստը, որը նախագահել է վարչապետ Բինալի Յըլդըրըմը: Ըստ թուրքական «Haberler» լրատվական կայքի՝ 4 ժամ տևած նիստի ընթացքում նոր նշանակումներ են արվել Թուրքիայի ցամաքային, ռազմածովային և օդային ուժերում:

Իսկ Թուրքիայի զինված ուժերի (ԶՈՒ) գլխավոր շտաբի պետ, բանակի գեներալ Հուլուսի Աքարի պաշտոնավարման ժամկետը երկարացվել է մինչև 2019թ.:

Փոփոխությունների համաձայն՝ Թուրքիայի ցամաքային ուժերի հրամանատարի պաշտոնում բանակի գեներալ Զեքի Չոլաքին կփոխարինի գեներալ Յաշար Գյուլերը, ով նախկինում զբաղեցնում էր ժանդարմերիայի գլխավոր հրամանատարի պաշտոնը:

Օդային ուժերի նախկին հրամանատար Աբիդին Ունալի պաշտոնը զբաղեցրնելու է բանակի գեներալ Հասան Քյուչյուքաքյուզը, ով նախկինում գլխավորում էր Թուրքիայի Էսքիշեհիր նահանգի հակաօդային պաշտպանության զորքերը:

Ամենաանակնկալ փոփոխությունը տեղի է ունեցել երկրի ռազմածովային ուժերի հրամանատարությունում: Ռազմածովային ուժերի հրամանատար է նշանակվել բանակի ծովակալ Ադնան Օզբալը: Այն դեպքում, երբ բոլորը սպասում էին, որ այդ պաշտոնին պետք է նշանակվեր Վեյսել Քյոսելին, ով Թուրքիայի ռազմական հեղաշրջման փորձի ժամանակ պատանդ էր վերցվել: Վերջինս զբաղեցնում է երկրի նավատորմի հրամանատարի պաշտոնը:

Նախկինում ռազմածովային ուժերի հրամանատարն էր բանակի ծովակալ Բյուլենթ Բոսթանօղլուն:

Նշենք, որ այս տարվա երկրի Բարձրագույն զինվորական խորհրդի (YAŞ) նիստը կայացել է նոր ձևաչափով: Խորհրդում մեծամասնություն են կազմում քաղաքացիական պաշտոնյաները:

Բարձրագույն զինվորական խորհուրդը զրկվել է զինվորական մեծամասնությունից: Այսուհետ խորհրդի անդամների մեջ մեծամասնություն են կազմում քաղաքացիականները՝ կառավարության անդամների մի մասը: Զինվորական անդամներ մնացել են միայն ԶՈւ ԳՇ պետը, ցամաքային, ռազմածովային, ռազմաօդային ուժերի հրամանատարները:

Աղբյուր` Ermenihaber.am

Այս ենթաբաժնի վերջին նորությունները

09:48, 28 նոյ

Թուրքիայի գլխավոր ընդդիմադիր կուսակցությունն առաջ է անցնում իշխող քաղաքական ուժից

Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։

09:26, 28 նոյ

Թուրքիայի ամենախելացի քաղաքն Էսքիշեհիրն է

Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։