Թուրքական հեռուստաալիքով ցուցադրված Սարիկ Անդրեասյանի ֆիլմը երկրում բողոքի ալիք է բարձրացրել

Մշակութային05:58, 18 Օգոստոս 2017

Թուրքական հեռուստաալիքով ցուցադրված Սարիկ Անդրեասյանի ֆիլմը երկրում բողոքի ալիք է բարձրացրել

Նախօրեին թուրքական «KanalD» հեռուստաալիքով ցուցադրվել է ռուսական արտադրության «Պահապանները» ֆանտաստիկ ժանրի ֆիլմը, որը թուրք հանդիսատեսի մոտ բողոքի ալիք է բարձրացրել:

Բանն այն է, որ ֆիլմում Արարատ լեռն ու Վանա լիճը ներկայացվել են որպես Հայաստանի մի մասը: Ֆիլմում դերասանների միջև տեղի ունեցած երկխոսության ժամանակ օգտագործվում է «Հայաստանում՝ Արարատ լեռան մերձակայքում» արտահայտությունը:

Ֆիլմի ցուցադրման կապակցությամբ քննադատական հրապարակում է տեղ գտել թուրքական «Aydındlık» թերթում, որտեղ ասվում է թե իբր «KanalD»-ն միլիոնավոր մարդկանց ստիպում է թուրքերեն դուբլյաժով դիտել արտասահմանյան մի ֆիլմ, որը չի ճանաչում «Թուրքիայի տարածքային ամբողջությունը»: Հրապարակումը կրում է «Արարատը Հայաստանին տվեցին» վերնագիրը:

Նշենք, որ «Պահապանները» ֆանտաստիկ մարտաֆիլմի ռեժիսորը ռուսաստանաբնակ հայ ռեժիսոր Սարիկ Անդրեասյանն:

Ֆիլմում հանդես են գալիս դերասաններ Անտոն Պամպուշնին, Սանժար Մադին, Սեբաստիան Սիսակ, Ալինան Լանինան, Ստանիսլավ Շիրինը և այլք:

ֆիլմը պատմում է Սովետական շրջանում ապրող սուպեր հերոսների մասին, որոնք ամերիկյան The Avengers-ի կրկնօրինակներն են։ Նրանք ապրում են սառը պատերազմի տարիներին ու երկար ժամանակ թաքցնում են իրենց ունակությունները։ Սակայն, երկրի համար բարդ իրավիճակը հաշվի առնելով՝ ցուցադրում են իրենց կարողություններն ու սկսում են պայքարել։ Այս հերոսները 30 տարբեր երկրների ներկայացուցիչներ են։

Աղբյուր` Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։