Միջազգային08:36, 22 Օգոստոս 2017
Գերմանիայի ԱԳ նախարար. «Էրդողանի հայտարարությունից հետո կինս սպառնալիքներ է ստանում»
Գերմանիայի արտգործնախարար Զիգմար Գաբրիելը հայտարարել է, որ իր կինը վերջին օրերին սպառնալիքներ է ստանում: Գաբրիելի խոսքով այդ սպառնալիքները արդյունք են Էրդողանի այն հայտարարության, որով վերջինս գերմանաբնակ թուրքերին կոչ էր արել առաջիկա ընտրություններին չքվեարկել «Թուրքիայի թշնամի» կուսակցությունների, այդ թվում՝ Գաբրիելի գլխավորած ՍԴԿ-ի (Գերմանիայի սոցիալ դեմոկրատական կուսակցություն) օգտին:
Ըստ թուրքական «Diken.com.tr» լրատվական կայքի՝ գերմանական «DPA» գործակալությանը տված հարցազրույցում Գաբրիելը ասել է. «Ակնհայտ է, որ Էրդողանի ոճը որոշ մարդկանց համար կնոջս սպառնալու և «նեղը գցելու» համար մոտիվացիա է հանդիսացել:
...Էրդողանը Թուրքիան հեռացնում է ժողովրդավարությունից: Մեկ տարի առաջ տեղի ունեցած հեղաշրջման փորձը վատ բան էր, սակայն այժմ Էրդողանն իր սեփական հեղաշրջումն է իրականացնում »:
Գերմանական մեկ այլ թերթին տված հարցազրույցում Գաբրիելը մանրամասներ էր հաղորդել՝ ասելով, որ ատամնաբույժ կնոջը սպառնալիքներ են հասցվում աշխատավայրի ընդունարանում թողնված նամակների միջոցով:
Նշենք, որ օրեր առաջ Թուրքիայի նախագահ Ռեջեփ Թայիփ Էրդողանը, դիմելով Գերմանիայի քաղաքացի հանդիսացող թուրքերին, մասնավորապես ասել էր. «Գերմանիայում ընտրություններից 25-30 օր առաջ Քրիստոնեադեմոկրատական, Սոցիալ դեմոկրատական ու Կանաչների կուսակցության մոտ այնպիսի տրամադրվածություն կա, թե Թուրքիայի վերաբերյալ ինչքան կոշտ արտահայտվեն, այնքան շատ ձայն կհավաքեն: Ես էլ Գերմանիայում բնակվող բոլոր ազգակիցներիս կոչ եմ անում, որ հանկարծ չսխալվեն ու այդ կուսակցությունների չաջակցեն՝ ո՛չ «Քրիստոնեադեմոկրատական կուսակցությանը», ո՛չ Սոցիալ-դեմոկրատական կուսակցությանը, ո՛չ էլ կանաչների կուսակցությանը: Դրանք բոլորը Թուրքիայի թշնամիներն են»:
Հայտարարությանն ի պատասխան Գերմանիայի ԱԳ նախարար Զիգմար Գաբրիելն ասել էր հետևյալը. «Էրդողանը ցանկանում է Գերմանիայի ժողովրդին իրար դեմ հրահրել: Սա նախկինում նախադեպը չունեցող հարձակում է մեր երկրի ինքնիշխանության վրա»:
Էրդողանն էլ իր հերթին պատասխանելով Գաբրիելին ասել էր. «Դու ի՞նչ քաղաքական անցյալ ունես: Քանի՞ տարեկան ես»:
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։
Թուրքական մամուլում վերոնշյալը ներկայացվել է որպես հակաթուրքական լոբբի։
Օքթայ Սարալը Հայկո Ջեփքինին որակել է որպես երաժիշտի նմանակ, իսկ նրա արվեստը՝ անորոշ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |