Բահչելին Բարզանիին սպառնացել է «թուրքական ապտակով»

Քաղաքական12:48, 01 Սեպտեմբեր 2017

Բահչելին Բարզանիին սպառնացել է «թուրքական ապտակով»

Թուրքիայի «Ազգայնական շարժում կուսակցության» (ԱՇԿ-MHP) նախագահ Դևլեթ Բահչելին ուրբաթօրյա նամազից հետո լրագրողների հետ ճեպազրույցում անդրադարձել է Հյուսիսային Իրաքի քրդական ինքնավար շրջանում սեպտեմբերի 25-ին տեղի ունենալիք անկախության հանրաքվեին:

«Բարզանին համառ դիրքորոշում է ցուցաբերում: ԱՄՆ-ից ստացած աջակցությամբ է առաջ շարժվում: Բարզանին ճանաչում է Մեծ Բրիտանիային, ԱՄՆ-ին, բայց նա չի ճանաչում թուրքերին, մի օր նա նույնիսկ չի էլ իմանալու, թե ինչպես ապտակ կստանա մեզանից»,- ըստ թուրքական «Haber.sol» լրատվական կայքի՝ ասել է Բահչելին:

Թուրքական «Milliyet» պարբերականի համաձայն էլ՝ Բահչելին իր խոսքում ասել է, որ անկախության հանրաքվեին պետք է մասնակցի նաև Իրաքյան Քուրդիստանի Քիրքուք շրջանի բնակչությունը, որտեղ ապրում են մեծ մասամբ թուրքմեններ և արաբներ:

Առաջ քաշելով այն անհիմն պնդումը, թե Քիրքուքը « թուրքական տարածք» է, նա մասնավորապես հավելել է, որ Քիրքուքի բնակչությունը երբեք չի ընդունի այդ հանրաքվեն: Իսկ Թուրքիան էլ ամեն ինչ կանի, որպեսզի ապահովվի Քիրքուքում ապրող թուրքմենների և արաբների անվտանգությունը:

Այս ենթաբաժնի վերջին նորությունները

09:48, 28 նոյ

Թուրքիայի գլխավոր ընդդիմադիր կուսակցությունն առաջ է անցնում իշխող քաղաքական ուժից

Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։

09:26, 28 նոյ

Թուրքիայի ամենախելացի քաղաքն Էսքիշեհիրն է

Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:

02:34, 28 նոյ

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։