Միջազգային06:56, 04 Սեպտեմբեր 2017
Մարտին Շուլց. «Եթե ես կանցլեր դառնամ, կդադարեցնեմ Թուրքիայի հետ բանակցությունները»
Առաջիկա ընտրություններում Գերմանիայի կանցլերի երկու թեկնածուները հեռուստաեթերի ընթացքում անդրադարձել են Թուրքիայի հարցին: Թուրքական «ntv.com.tr» լրատվակայքի տեղեկացմամբ՝ «Քրիստոնեա-դեմոկրատական» կուսակցության նախագահ Անգելա Մերկելը և «Սոցիալ-դեմոկրատական» կուսակցության նախագահ Մարտին Շուլցը համատեղ մասնակցել են գերմանական «DAS TV DUELL» հաղորդմանը:
Հաղորդման ընթացքում թե ՄԵրկելը, թե Շուլցը նշել են, որ ցանկանում են Եվրամիության օրակարգ բերել Թուրքիայի հետ բանակցությունների դադարեցման հարցը:
Շուլցը նաև համոզմունք է հայտնել, որ անհրաժեշտ է դադարեցնել այս գործընթացի շրջանակներում Թուրքիային տրամադրվող նյութական աջակցությունը: «Եթե ես կանցլեր դառնամ, կդադարեցնեմ Թուրքիայի հետ բանակցությունները: Կարմիր գիծն արդեն հատվել է»,- հավելել է նա:
Իսկ Մերկելը ուշադրություն է հրավիրել այն հանգամանքի վրա, որ այս պահին Թուրքիայի հետ բանակցությունները առանց այդ էլ չեն շարունակվում: Գերմանիայի կանցլերի կարծիքով՝ սեպտեմբերի 24-ին կայանալիք կանցլերի ընտրություններից առաջ՝ նախընտրական փուլում Թուրքիայի հետ դիվանագիտական հարաբերությունները չպետք է դադարեցվեն:
Անդրադառնալով նաև Թուրքիայում ազատազրկված Գերմանիայի քաղաքացիների խնդրին՝ Մերկելը նշել է, որ հարցի շրջանակներում անհրաժեշտ է մեծացնել Թուրքիայի նկատմամբ տնտեսական ճնշումները:
Մյուս կողմից, թե՛ Մերկելը, թե՛ Շուլցը նպատակահարմար են համարել Թուրքիայի հետ փախստակաների ներգաղթի կանխարգելմանն ուղղված պայմանգիրը և դեմ են արտահայտվել այդ պայմանագրի դադարեցմանը:
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |