Քաղաքական12:50, 04 Սեպտեմբեր 2017
Թուրքիայի նախագահի խոսնակն արձագանքել է Շուլցի ու Մերկելի հայտարարություններին
Թուրքիայի նախագահի մամուլի խոսնակ Իբրահիմ Քալընը արձագանքել է Գերմանիայի կանցլերի երկու թեկնածուների՝ Մարտին Շուլցի և Անգելա Մերկելի կողմից հեռուստաբանավեճի ընթացքում Թուրքիայի վերաբերյալ արած հայտարարություններին:
«CNNTurk»-ը հղում անելով Քալինի թվիթերյան գրառմանը, նշում է, Թուրքիայի նախագահի մամուլի խոսնակը գերմանացի քաղաքական գործիչների հայտարարությունը որակել է որպես «պոպուլիզմի դրսևորում» և նշել, որ դրանք սերմանում են այլատյացություն, խտրականություն և թշնամություն:
Միջանկյալ նշենք, որ հեռուստաբանավեճի ընթացքում թե Մերկելը, թե Շուլցը նշել են, որ ցանկանում են Եվրամիության օրակարգ բերել Թուրքիայի հետ բանակցությունների դադարեցման հարցը: Նրանք նաև համակարծիք են եղել Թուրքիայի նկատմամբ մի շարք պատժամիջոցներ կիրառելու հարցում:
Ըստ Քալընի՝ գերմանացի քաղաքական գործիչները, անտեսելով հրատապ լուծում պահանջող հարցերը, կենտրոնանում են Ռեջեփ Թայիփ Էրդողանի և Թուրքիայի վրա: Քալինի պնդմամբ՝ այդ ամենը խոսում է «Եվրոպայում առկա նեղ մտահորիզոնի» մասին:
Նա նաև ավելացրել է, որ Գերմանիան իր քաղաքականությամբ պաշտպանում է ոչ թե ժողովրդավարությունը, այլ «ահաբեկիչներին և հեղաշրջման փորձը իրականացնողներին»:
«Կարևոր չէ, թե Գերմանիայում կայանալիք ընտրություններում որ կուսակցությունը կհաղթի, քանի որ արդեն պարզ է, թե որ մտածելակերպն է հաղթելու: Ոչ Մերկելը, ոչ Շուլցը բանավեճի ժամանակ չքննարկեցին խտրականության, աճող այլատյացության թեման, ինչը ցույց է տալիս Գերմանիայի վարած քաղաքականության ներկայիս իրավիճակը»,-շեշտել է Քալընը:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |