Գերմանացի պատգամավորները կայցելեն Քոնիայի ռազմաբազա

Քաղաքական09:28, 08 Սեպտեմբեր 2017

Գերմանացի պատգամավորները կայցելեն Քոնիայի ռազմաբազա

Գերմանիայի խորհրդարանի 7 պատգամավորներից բաղկացած պատվիրակությունը սեպտեմբերի 8-ին կայցելի Թուրքիայի Քոնիա քաղաքում գտնվող ՆԱՏՕ-ի ռազմաբազա: Գերմանական պատվիրակությունը ռազմաբազայում կհանդիպեն այնտեղ ծառայություն իրականացնող գերմանացի զինվորականների հետ, տեղեկություններ կստանան նրանց ծառայության վերաբերյալ:

«Deutsche Welle»-ի թուրքական ծառայությունը տեղեկացնում է, որ այցը տեղի է ունենում ՆԱՏՕ-ի միջնորդությամբ, իսկ պատվիրակությունը գլխավորում է ՆԱՏՕ-ի գլխավոր քարտուղարի տեղակալ Ռոուզ Գոթեմյոլլերը: Գերմանացի պատգամավորներին ուղեկցում են նաև ՆԱՏՕ-ի որոշ պաշտոնյաներ: Սպասվում է, որ պատվիրակությանը կդիմավորեն թուրք պաշտոնյաներ, կկազմակերպվեն մի շարք հանդիպումներ:

Հիշեցնենք, որ Թուրքիայի արտգործնախարարությունը այս տարվա հուլիսի 14 հայտարարություն էր տարածել, որով գերմանացի պատգամավորներին արգելվել էր այցելել Քոնիայի ավիաբազա:

Գերմանացի պատգամավորների այցը նախատեսված էր հուլիսի 17-ին: Որպես պատճառ թուրքական կողմը նշել էր, որ թուրք-գերմանական հարաբերությունները այդ պահին այնքան լարված էին, որ գերմանացի պատգամավորների այցը Քոնիա հնարավոր չէր:

Աղբյուր` Ermenihaber.am

Այս ենթաբաժնի վերջին նորությունները

11:38, 22 նոյ

Թուրքիան BRICS-ի հետ համագործակցելու առաջարկ է ստացել

Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։

12:05, 21 նոյ

Թուրքիայի և ԱՄՆ-ի միջև նոր սկանդալ է հասունանում

Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։

17:48, 20 նոյ

Էրդողանն անդրադարձել է Սիրիայի քուրդ զինյալների թեմային

«Մենք բացարձակապես ոչ մի հանդուրժողականություն չունենք մեր սահմաններից դուրս գտնվող այն կառույցների նկատմամբ, որոնք անվտանգության սպառնալիքներ են ստեղծում մեր երկրի համար»։