Քաղաքական07:00, 08 Սեպտեմբեր 2017
Գերմանացիների 84 տոկոսը դեմ է Թուրքիայի՝ ԵՄ անդամակցությանը
Գերմանիայի «ARD» հեռուստաընկերությունը սոցհարցում է անցկացրել պարզելու Թուրքիայի նկատմամբ Գերմանիայի քաղաքացիների դիրքորոշումը:
Թուրքական «Evrensel» լրատավական կայքը, հղում անելով սոցհարցման արդյունքներին, հայտնում է, որ հարցմանը մասնակցած 1003 քաղաքացիների ճնշող մեծամասնությունը՝ մոտ 84 տոկոսը, դեմ է Թուրքիայի եվրաանդամակցությանը: 2016թ. անցկացված հարցման ժամանակ այս ցուցանիշը կազմել էր 80 տոկոս:
Ըստ հարցման արդյունքների՝ 77 տոկոսը կողմ է Գերմանիայի կողմից Թուրքիայի նկատմամբ տնտեսական պատժամիջոցների կիրառմանը: 88 տոկոսը նշել է, որ Գերմանիայի կառավարությունը ավելի վճռական քայլեր պետք է ձեռնարկի Թուրքիայի կառավարության և նախագահ Ռեջեփ Թայիփ Էրդողանի դեմ: Միայն 9 տոկոսն է դեմ եղել ավելի վճռական քայլերի կիրառմանը:
Միաժամանակ հարցվածների 80 տոկոսը կարծում է, որ Թուրքիայի առջև երկխոսության դռները չպետք է փակել:
Հիշեցնենք, որ թուրք-գերմանական հարաբերությունները լարվել էին, երբ 2016թ. հունիսի 2-ին Բունդեսթագը ընդունել էր Հայոց ցեղասպանությունը ճանաչող և դատապարտող բանաձև: Դրանից հետո Թուրքիան արգելել էր գերմանացի պաշտոնյաների մուտքը Ինջիրլիքի ռազմաբազա: Լարվածությունը խորացել էր 2016թ հուլիսի 15-ին ռազամական հեղաշրջման փորձից հետո Գերմանիայի դիրքորոշման պատճառով: Գերմանիան հրաժարվել էր Թուրքիային արտահանձնել քաղաքական ապաստան ստացած Թուրքիայի քաղաքացիներին:
Թուրքիայի իշխանությունները դրան պատասխանեցին կրկին Ինջիրլիք այցելությունը արգելելով: Գերմանիան էլ հայտարարեց իր զինվորականներին Ինջիրլիքից դուրս բերելու և Հորդանան կամ այլ երկիր տեղափոխելու մասին:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |