Միջազգային07:16, 14 Սեպտեմբեր 2017
Ջեմ Օզդեմիր. «Էրդողանի հետ Թուրքիան երբեք ԵՄ անդամ չի կարող դառնալ»
Գերմանիայի «Կանաչների» կուսակցության համանախագահ Ջեմ Օզդեմիրը հայտարարել է, որ էրդողանական Թուրքիան երբեք Եվրամիության անդամ չի դառնա: «Deutsche Welle»-ի թուրքական ծառայության համաձայն՝ Օզդեմիրը կոչ է արել ԵՄ-ին՝ ավելի իրատեսական և արժեքների վրա հիմնված արտաքին քաղաքականություն վարել:
Նրա խոսքով՝ Ռուսաստանի Դաշնության նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի նման ավտորիտար լիդերների հետ հարաբերություններում պետք է ավելի վճռական մոտեցում ցուցաբերել:
Օզդեմիրի խոսքով՝ այդպիսի առաջնորդների հետ երկխոսությունն, իհարկե, պետք է պահպանել, սակայն դա անելիս չպետք է անտեսվեն նաև եվրոպական արժեքները:
«Կանաչների» առաջնորդը նշել է, որ կողմ չէ Թուրքիայի եվրաինտեգրման բանակցությունների լիովին դադարեցմանը, քանի որ դա կնաշանակի՝ լքել Թուրքիայի եվրոպամետ զանգվածին: «Էրդողանին ուղղված տնտեսական պատժամիջոցները կարող են ավելի արդյունավետ լինել: Էրդողանի կառավարման ընթացքում Թուրքիան Եվրամիության անդամ չի կարող դառնալ»,-հավելել է Օզդեմիրը:
Գերմանացի գործիչը նաև առաջարկել է դադարեցնել Սաուդյան Արաբիային և ՆԱՏՕ-ի դաշնակից Թուրքիային զենքի վաճառքը, ինչպես նաև՝ էկոնոմիկայի նախարարության փոխարեն զենքի արտահանման առաջարկների հաստատման իրավասությամբ լիազորել արտգործնախարարությանը:
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |