Տարածաշրջան07:59, 21 Սեպտեմբեր 2017
ԱՄՆ-ն Սիրիայի քրդական ուժերին զինամթերքի նոր խմբաքանակ է տրամադրել
![ԱՄՆ-ն Սիրիայի քրդական ուժերին զինամթերքի նոր խմբաքանակ է տրամադրել](https://www.ermenihaber.am/news_images/38/113052_2/f59c371611aa84_59c371611aac1.jpg)
ԱՄՆ-ն Թուրքիայի նախագահ Ռեջեփ Թայիփ Էրդողանի թիկնազորին զենքի վաճառքն արգելելուց հետո զենքի մեծ խմբաքանակ է ուղարկել Սիրիայի քրդական ուժերին, որոնց Անկարան համարում է ահաբեկչական կազմակերպություն:
Ըստ թուրքական «Sondakika.com» լրատվական կայքի՝ ԱՄՆ-ը նախօրեին 120 բեռնատար ժամանակակից ռազմական տեխնիկա է ուղարկել Սիրիայում «Իսլամական պետություն» (ԻՊ) ահաբեկչական կազմակերպության դեմ կռվող «Սիրիայի դեմոկրատական ուժերին» (SDG-ՍԴՈՒ): ՍԴՈւ-ի հիմնական մասը կազմում են Սիրիայի քրդական «Ժողովրդավարական միություն կուսակցության» (PYD-ԺՄԿ) ռազմական թևը հանդիսացող «Ժողովրդի պաշտպանության ուժերը» (ԺՊՈւ-YPG), որոնց Անկարան համարում է Թուրքիայում ահաբեկչական հայտարարված «Քուրդիստանի բանվորական կուսակցության» (PKK-ՔԲԿ) սիրիական թևը:
Նշվում է, որ ուղարկված զինտեխնիկայի շարքում կան զրահամեքենաներ, ականազերծող մեքենաներ, հրանոթներ, ջերմային և լազերային կառավարվող հրթիռներ: Աղբյուրը հատուկ նշում է, որ ուղարկված զինատեսակների մեջ կան նաև ռուսական արտադրության 12.7 մմ տրամագծով գնդացիրներ ու ջերմադիտակներ, որոնք վերջերս հայտնվել էր նաև ՔԲԿ-ի զինանոցում:
ԱՄՆ-ն առաջին անգամ Սիրիայի քրդական ուժերին նռնականետերի կրակի ու ականների պայթյունների դեմ պաշտպանական համակարգով հագեցած նորագույն զրահամեքենաներ է ուղարկել:
Հիշեցնենք, որ ԱՄՆ-ի արտգործնախարարությունը հետ էր կանչել Թուրքիայի նախագահ Ռեջեփ Թայիփ էրդողանի թիկնազորի համար նախատեսված զինամթերքի վաճառքի թույլտվության նախագիծը՝ այդ մասին պաշտոնապես տեղեկացնելով կոնգրեսին:
Էրդողանն, արձագանքելով ԱՄՆ-ի որոշմանը, ասել էր. «Մենք նույնիսկ փողով չենք կարողանում ձեզանից զենք գնել: Եվ ուրեմն ինչու՞ եք դուք անվճար զենք տրամադրում այդ ահաբեկչական կազմակերպություններին: Որպես ռազմավարական դաշնակից՝ մենք շատ մտահոգված ենք, քանի որ չենք կարողանում այս հարցի պատասխանը գտնել»:
Այս ենթաբաժնի վերջին նորությունները
![Երկրաշարժ Թուրքիայի հարավ-արևելքում](https://www.ermenihaber.am/news_images/94/279745_1/06168.thumb.jpg)
Սինջիք շրջանում արձանագրված ցնցման ուժգնությունը կազմել է 3.8 բալ:
![Երկրաշարժ Բինգյոլում](https://www.ermenihaber.am/news_images/93/278927_1/0251564.thumb.jpg)
Ցնցվել է Թուրքիայի արևելյան հատվածում գտնվող Բինգյոլ նահանգի Քարլըովա շրջանը:
![Թուրքիայում անտառային հրդեհները հնգապատկվել են](https://www.ermenihaber.am/news_images/93/278661_1/0230865.thumb.jpg)
2024-ի հունիսի 1-ից 21-ն ընկած ժամանակահատվածում գրանցվել է 399 անտառային հրդեհ, իսկ 2023-ի նույն ժամանակահատվածում՝ 84։
Ուղիղ խոսք
![Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում](https://www.ermenihaber.am/news_images/55/163609_2/erdogan_1552_3879.jpg)
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքական «Areda Survey» հետազոտական ընկերությունը սոցհարցում է անցկացրել մայիսի 19-ին Իրանի նախագահի մահվան մասին:
«RTÜK»-ը նշել է, որ նման որոշումը կայացվել է նախկինում կայացված որոշումներին չհետևելու և ցուցումներին հակառակ գործելաոճի շարունակականության պատճառով:
Սաուդական պետական «SAMI» և թուրքական 3 ընկերության միջև համագործակցության մասին փոխըմբըռնման հուշագիր է ստորագրվել:
Նշվում է, որ Էրդողանը մեկնում է Գերմանիա՝ անձամբ ներկա գտնվելու և դիտելու ԵՎՐՈ-2024-ի Թուրքիա-Հոլանդիա հանդիպումը։
Հայտնի է դարձել հուլիսի 3-ին Աստանայում կայացած Թուրքիայի նախագահ Ռեջեփ Թայիփ Էրդողանի և ՌԴ նախագահ Վլադիմիր Պուտինի փակ հանդիպման օրակարգը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |