Էրդողանը ու Ռուհանին հեռախոսազրույց են ունեցել

Տարածաշրջան13:43, 25 Սեպտեմբեր 2017

Էրդողանը ու Ռուհանին հեռախոսազրույց են ունեցել

Թուրքիայի նախագահ Ռեջեփ Թայիփ Էրդողանի և Իրանի Իսլամական Հանրապետություն (ԻԻՀ) նախագահ Հասան Ռուհանիի միջև կայացել է հեռախոսազրույց:

Թուրքական «Trthaber» լրատվամիջոցը, հղում անելով Թուրքիայի նախագահականի աղբյուրներին, նշում է, որ երկու ղեկավարները քննարկել են թուրք-իրանական հարաբերությունները, ինչպես նաև տարածաշրջանային վերջին զարգացումները, այդ թվում նաև սեպտեմբերի 25-ին իրաքյան Քուրդիստանում մեկնարկած անկախության հանրաքվեի հարցը:

Նախագահները միակարծիք են եղել այն հարցում, որ, եթե Քուրդիստանի անկախության հանրաքվեն չչեղարկվի, ապա տարածաշրջանում քաոսային իրավիճակ կստեղծվի: Կարևորվել է Իրաքի տարածքային ամբողջականության պահպանումը:

Բացի դրանից Էրդողանը Ռուհանիի հետ խոսել է հոկտեմբերի 4-ին Իրան կատարելիք իր այցի մասին: Նշվել է, որ այցի ընթացքում տեղի կունենա Թուրքիա-Իրան բարձր մակարդակի համագործակցության խորհրդի 4-րդ ժողովը:

Հիշեցնենք, որ իրաքյան Քուրդիստանի անկախության դեմ էին արտահայտվել թե Թեհրանը և թե Անկարան:

Աղբյուր` Ermenihaber.am

Այս ենթաբաժնի վերջին նորությունները

14:12, 30 հունվ

Թուրքիայի օդային տարածքով 14 վայրկյանը մեկ ինքնաթիռ է անցնում

Թուրքիայի Պետական օդանավակայանների կառավարման վարչությունը (DHMİ) հայտնել է, որ վերջին տարիներին զգալիորեն ավելացել են ինքնաթիռով ճանապարհորդողների թիվը։

13:16, 29 հունվ

Վանա լճում ջրի մակարդակն օր օրի իջնում է (լուսանկարներ, տեսանյութ)

Ջրի մակարդակը զգալիորեն իջել է, ինչի հետևանքով ի հայտ են եկել հարյուրավոր միկրոբիալիտներ։

11:36, 29 հունվ

Փետրվարին շահագործման կհանձնվի Վան-Թեհրան մարդատար գնացքը

Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հանդիպել է Իրանի ճանապարհաշինության և քաղաքաշինության նախարար Ֆարզանա Սադըքի հետ։