Թուրքիայի քրդամետ կուսակցության կին պատգամավորը զրկվել է մանդատից

Իրավական07:01, 04 Հոկտեմբեր 2017

Թուրքիայի քրդամետ կուսակցության կին պատգամավորը զրկվել է մանդատից

Թուրքիայի քրդամետ ընդդիմադիր «Ժողովուրդների դեմոկրատական կուսակցության» (ԺԴԿ-HDP) Սիիրթ նահանգի կին պատգամավոր Բեսիմե Քոնջան զրկվել է մանդատից։

Ըստ թուրքական «Birgun» թերթի կայքի՝ այդ մասին համապատասխան փաստաթուղթ է հրապարակվել Թուրքիայի կառավարության աշխատակազմի կողմից։ Նշյալ փաստաթուղթն ընթերցվել է Թուրքիայի խորհդարանում, որից հետո Քոնջան զրկվել է պատգամավորական մանդատից։

Որպես դրա պատճառ նշվել է այն, որ Քոնջան իր ելույթներում աջակցում է ահաբեկչությանը: Աղբյուրը հիշեցնում է, որ Քոնջան ավելի վաղ Թուրքիայի Գազիանթեփի դատարանի կողմից մեղադրվել էր «ահաբեկչական կազմակերպության օգտին» քարոզչություն անելու մեջ և դատապարտվել 2,5 տարի ազատազրկման։

Հիշեցնենք, որ ավելի վաղ պատգամավորական մանդատից զրկվել էին քրդամետ կուսակցության համանախագահ Ֆիգեն Յուքսեքդաղը, պատգամավորներ Թուղբա Հեզերը, Ֆայսալ Սարըյըլդըզը և Նուրսել Այդողանը:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։