Թուրքիայի ԱԳՆ-ն պարզաբանում է․ կալանավորվածը ԱՄՆ հյուպատոսարանի պաշտոնական աշխատակից չէ

Իրավական08:19, 06 Հոկտեմբեր 2017

Թուրքիայի ԱԳՆ-ն պարզաբանում է․ կալանավորվածը ԱՄՆ հյուպատոսարանի պաշտոնական աշխատակից չէ

Թուրքիայի արտգործնախարարությունը մեկնաբանություն է տարածել Ստամբուլում ԱՄՆ-ի գլխավոր հյուպատոսարանի աշխատակցի կալանավորման վերաբերյալ։ Թուրքական «Hürriyet» թերթի կայքի տեղեկացմամբ՝ ԱԳՆ խոսնակ Հյուսեյին Մյուֆթուօղլուն հայտարարել է, որ կալանավորված Մեթին Թոփուզը ԱՄՆ-ի գլխավոր հյուպատոսարանի պաշտոնական աշխատակիցը չէ։

Մյուֆթուօղլուն նշել է, որ Թոփուզը գրանցված չէ հյուպատոսարանի անձնակազմի պաշտոնական ցանկում և չունի դիվանագիտական կամ հյուպատոսական անձեռնմխելիություն։

Նախօրեին լրտեսության մեջ կասկածանքով բերման ենթարկված Մեթին Թոփուզը նախ հարցաքննվել, ապա կալանավորվել էր։ Նա մեղադրվում է գյուլենական գործիչների հետ կապի մեջ։

Թոփուզին մեղադրանք է առաջադրվել «Քաղաքական կամ ռազմական լրտեսության նպատակով երկրի անվտանգությանը, ներքին կամ արտաքին քաղաքական շահերին վերաբերող գաղտնի տեղեկություններ տրամադրելու» ինչպես նաև «Թուրքիայի Հանրապետության կառավարությունը տապալելու փորձ» հոդվածների հատկանիշներով:

Թուրքիայում ԱՄՆ-ի դեսպանատունը խորը մտահոգություն է հայտնել Թոփուզի ձերբակալության առիթով՝ նշելով, որ վերջինիս վերաբերյալ ներկայացված լրտեսության մեղադրանքը լիովին անհիմն է և անհնար:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։