Տարածաշրջան12:09, 19 Հոկտեմբեր 2017
AKP-ականը քննադատել է Ադրբեջանի դեմ քվեարկած թուրք պատգամավորներին
Թուրքիայում իշխող «Արդարություն և զարգացում կուսակցության» (AKP-ԱԶԿ) Ադանայի պատգամավոր Նեջդեթ Ունուվարը դժգոհությունն է հայտնել, որ երկրի ընդդիմադիր «Ժողովրդահանրապետական» կուսակցության (ԺՀԿ-CHP) 3 պատգամավորներ ԵԽԽՎ-ում ընդունված 2 հակաադրբեջանական բանաձևերից մեկի օգտին կողմ են քվեարկել:
Միջանկյալ նշենք, որ հոկտեմբերի 11-ին ԵԽԽՎ-ում ընդունվել էր 2 հակաադրբեջանական բանաձև: Դրանցից մեկը «Ադրբեջանում դեմոկրատական ինստիտուտների գործունեությունը» խորագրով բանաձևն էր, որի ընդունման օգտին էլ քվեարկել են թուրք պատգամավորները (Դենիզ Բայքալ, Գյուլսուն Բիլգյահան և Իլհան Քեսիչի):
Ըստ թուրքական «Timeturk»-ի՝ թուրք պատգամավորը պնդելով, որ Ադբեջանում տնտեսական, սոցիալական և ժողովրդավարության մակարդակն աճել է, դատապարտել է CHP-ի պատգամավորներին և տեղի ունեցածը համարել մտահոգիչ երևույթ:
Պատգամավորը շեշտել է, որ Թուրքիան և Ադրբեջանը բոլոր միջազգային հարթակներում իրար հետ համագործակցում են և տեղի ունեցածը մտահոգիչ է: Նրա խոսքերով՝ այսօր Թուրքիայի և Ադրբեջանի հարաբերությունները հիանալի են և այդ հիանալի հարաբերություններում մեծ դեր են խաղում Թուրքիայի և Ադրբեջանի նախագահների գործադրած ջանքերը:
Նա շեշտել է, որ Ադրբեջանի դեմ քվեարկածների այդ դիրքորոշումը երբեք չի վնասի երկու երկրների երկկողմ հարաբերությունները: Մեկ անգամ ևս կրկնել է թուրք-ադրբեջանական եղբայրությունը խորհրդանշող «Մեկ ազգ, երկու պետություն հանդիսացող Թուրքիա» արտահայտությունը:
Այս ենթաբաժնի վերջին նորությունները
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Թուրքական թերթը գրում է, որ Թուրքիայում ահաբեկչական ճանաչված «Քուրդիստանի բանվորական կուսակցությունը» առաջիկայում ինքնալուծարվելու է:
Կողմերը քննարկել են Օմանում կայացած ԱՄՆ-Իրան բանակցությունները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |