Տարածաշրջան11:21, 24 Հոկտեմբեր 2017
Էրդողանը հաստատել է, որ Իդլիբից հետո Թուրքիայի նպատակը Աֆրին ներխուժելն է
Թուրքիայի նախագահ Ռեջեփ Թայիփ Էրդողանը «Արդարություն և զարգացում» (ԱԶԿ-AKP) կուսակցության ժողովի ընթացքում խոսել է հարևան Սիրիայում ստեղծված իրավիճակի մասին:
Թուրքական «Sozcu» լրատվամիջոցի փոխանացմամբ՝ Էրդողանը նշելով, որ Սիրիայի Իդլիբ նահանգ մտած Թուրքիայի զինուժը կատարել է իր առջև դրված բոլոր նպատակները, ասել է.
«Ընդհանուր առմամբ Իդլիբի օպերացիան ավարտվել է: Հերթը Աֆրինինն է (գտնվում է Սիրիայի քրդերի վերահսկողության տակ-խմբ): Չենք թույլատրելու, որ ոչ մի ուժ մեր սահմաններին սպառնա: Ավելի վաղ ասացինք չէ՞, որ մի գիշեր հանկարծակի կհայտնվենք ու կհարվածենք»:
Էրդողանը նաև անդրադարձել է ԱՄՆ-ի աջակցությունը վայելող Սիրիայի քրդերի հարցին, ովքեր վերջերս իրենց վերահսկողության տակ վերցրեցին Ռաքքա քաղաքի մեծ մասը: Էրդողանին զայրացրել է մասնավորապես այն փաստը, որ Ռաքքայում Սիրիայի քրդական ուժերը պարզել են «Քուրդիստանի բանվորական կուսակցության» (ՔԲԿ- PKK) դրոշները և պաստառները:
«ԱՄՆ-ն Սիրիայի Ռաքքա քաղաքում օպերացիա է իրականացնում PKK-ի վիժվածք հանդիսացող PYD-ի հետ (Սիրիայի քրդական ուժեր): Նրանք ասում են, որ PYD-ն կապ չունի PKK-ի հետ: Է՜յ Ամերիկա, ինչպես կբացատրես այն, որ Ռաքքայում ահաբեկչական կազմակերպության պաստառներն են պարզվում: Մենք փաստերով ենք խոսում իրականությունից: 3500 բեռնատար տարածաշրջան զենք է տեղափոխում: Գիտենք, թե դա ուր է գնում և որտեղ է պահեստավորվում:»,-եզրափակել է Թուրքիայի նախագահը:
Նշենք, որ Թուրքիան PKK-ին և PYD-ին նույնացնում է և համարում ահաբեկչական կազմակերպություններ:
Այս ենթաբաժնի վերջին նորությունները
Բիթլիսում 9 կմ խորության վրա գրանցված երկրաշարժը զգացվել է նաև հարակից նահանգներում և շրջաններում։
Թուրքիան և Հունաստանը ՆԱՏՕ-ին անդամակցել են 1952 թվականին։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |