Քաղաքական08:22, 27 Հոկտեմբեր 2017
ԱՄՆ-ի սենատորները Թրամփից պահանջում են Թուրքիայի նկատմամբ կոշտ դիրքորոշում որդեգրել
ԱՄՆ-ի 14 սենատորների ստորագրությամբ նախագահ Դոնալդ Թրամփին Թուրքիայի վերաբերյալ նամակ է ուղարկվել, որում կոչ է արվել ավելի խիստ դիրքորոշում որդեգրել պաշտոնական Անկարայի հանդեպ:
Ըստ թուրքական «Sputnik» լրատվամիջոցի թուրքական ծառայության՝ նամակի տակ իրենց ստորագրությունն են դրել այնպիսի հայտնի սենատորներ ինչպիսիք են Բերնի Սենդերսը և Ջոն ՄաքՔեյնը: Վերջինս հայտնի է Թուրքիայի նկատմամբ իր կոշտ դիրքորոշմամբ:
Նամակում ԱՄՆ-ի նախագահի ուշադրությունն է հրավիրվել այն փաստի վրա, որ Թուրքիայում տեղի են ունենում մի շարք անօրինականություններ: Մասնավորապես օրինակ է բերվել երկրում լրագրողների նկատմամբ իրականացվող ճնշումները, ձերբակալությունները:
Հիշատակվում է Ստամբուլում ԱՄՆ-ի գլխավոր հյուպատոսարանի աշխատակից Մեհմեթ Թոփուզի կալանավորման, ինչպես նաև հյուպատոսարանի մեկ այլ աշխատակից Մեթե Ջանթոյուրքի ընտանիքի անդամներին բերման ենթարկելու փաստերը,:
Անդրադարձ է կատարվել նաև 2017 մայիսին Թուրքիայի նախագահ Ռեջեփ Թայիփ Էրդողանի՝ ԱՄՆ կատարած այցին, որի ժամանակ Էրդողանի թիկնապահները ծեծի էին ենթարկել խաղաղ ցուցարարներին:
Սենատորները ԱՄՆ-ին նախագահին հորդորել են ճնշում գործադրել Էրդողանի վրա, որպեսզի վերջինս հարգանք ցուցաբերի օրենքի գերակայության և մարդու իրավունքների նկատմամբ:
«Անընդունելի է, որ Թուրքիայի կառավարությունը կամայականորեն մարդկանց է ձերբակալում , ոտնահարում նրանց իրավունքները. մասնավորապես խոսքը վերաբերում է մեր դիվանագետներին և վերջինիս ընտանիքներին»,-ասվում է նամակում:
Նշված է եղել, որ թուրքական իշխանությունները օգտագործելով երկրում գործող արտակարգ դրությունը, սահմանափակում են երկրում խոսքի ազատությունը, դատաիրավական համակարգի անկախությունը, ինչպես նաև լռեցնում են երկրի ընդդիմությանը:
Ընդգծվել է, որ Թուրքիայում ժողովրդավարությունը սպառնալիքի տակ է:
Այս ենթաբաժնի վերջին նորությունները
Պաշտոնական աղբյուրներում ընդունելության օրակարգի և քննարկված հարցերի վերաբերյալ տեղեկություններ չեն հրապարակվել:
Ըստ Իմամօղլուի՝ աշխատավարձն այնքան քիչ է, որ նույնիսկ չի կարող բավարարել Ստամբուլում 1 ամսվա համար բնակարանի վարձավճար տալու համար:
«Pros&Cons» անվտանգության և ռիսկերի վերլուծական կենտրոնի տնօրեն, պրոֆեսոր Սերհաթ Էրքմենն անդրադարձել է Սիրիայում տիրող իրավիճակին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
2025 թվականը զորանալու կորով կբերի հայ ժողովրդին ու հայոց պետությանը։
Թուրք պրոֆեսոր. «Եթե Թուրքիան շարունակի նման տեմպերով ծերանալ, ապա 2040-ին 65 և բարձր տարիքային խմբի քաղաքացիներն ավելի շատ կլինեն, քան մինչև 5 տարեկանները»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |