Իրավական09:07, 31 Հոկտեմբեր 2017
Թուրքիան քրգործ կհարուցի Գերմանիայում ապաստանած թուրք մտավորականների դեմ
Ստամբուլի գլխավոր հանրապետական դատախազությունը պատրաստվում է քրգործ հարուցել Գերմանիայում բնակվող թուրք մտավորականների դեմ՝ ահաբեկչության օգտին քարոզչություն անելու մեղադրանքով: Այս մասին, ըստ «Sputnik»-ի թուրքական ծառայության, գրում է գերմանական «Suddeutsche Zeitung» պարբերականը:
Աղբյուրի հավաստմամբ՝ Թուրքիայի հարավ-արևելքում հայտարարված պարետային ժամի և տեղի ունեցած զինված բախումների շրջանակներում գրանցված իրավախախտումների դեմ պայքարող թուրք մտավորականներից 100-ը ներկայումս բնակվում են Գերմանիայում:
Ինչպես հայտնի է ՝ վերոհիշյալ իրադարձությունների ժամանակ 1128 մտավորականներից բաղկացած և «Ակադեմիկոսները հանուն խաղաղության» անունը կրող նախաձեռնության անդամները մարդու իրավունքների ոտնահարման բազմաթիվ դեպքերի դեմ պայքարի նպատակով ստորագրահավաք էին կազմակերպել՝ գործելով «Մենք այս մեղքին հանցակից չենք դառնա» կարգախոսով:
Հրապարակված տեղեկությունների համաձայն՝ Գերմանիայում ապաստանած մտավորականներից 5-ին արդեն մեղադրանք է առաջադրվել, իսկ մյուսների փաստաբանները մոտ ժամանակներս կծանուցվեն իրենց պաշտպանյալներին առաջադրված մեղադրանքների մասին:
Աղբյուրի պնդմամբ՝ գերմանական դատարանները, ամենայն հավանականությամբ, կմերժեն թուրք մտավորականներին Թուրքիային արտահանձնելու վերաբերյալ պահանջները: Նշվում է, որ եթե Թուրքիան այդ 100 գիտնականի վերաբերյալ միջազգային հետախուզում հայտարարի, ապա նրանց համար վտանգավոր կդառնա ընդհանրապես Գերմանիայի տարածքից դուրս գալը:
Հավելենք, որ Ստամբուլի գլխավոր հանրապետական դատախազության կազմած մեղադրական եզրակացության մեջ թուրք ակադեմիկոսների գործունեությունը որակվել է որպես խաղաղության կեղծ կոչ, որն իրականում «Քուրդիստանի բանվորական» կուսակցության (ՔԲԿ-PKK) օգտին բացահայտ պրոպագանդա է:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |