Իրանցի նախարար. «Թուրքիան Իրանի ամենամեծ առևտրային գործընկերն է»

Տնտեսական10:05, 31 Հոկտեմբեր 2017

Իրանցի նախարար. «Թուրքիան Իրանի ամենամեծ առևտրային գործընկերն է»

Թուրքիայի Հանրապետության ստեղծման 94-րդ տարեդարձի կապակցությամբ Թեհրանում Թուրքիայի դեսպանատանը միջոցառում է կազմակերպվել:

Ըստ թուրքական «Dogruhaber» լրատվական կայքի՝ միջոցառմանը ներկա է գտնվել Իրանի առևտրի և արդյունաբերության նախարար Մուհամեդ Շերիաթմեդարին:

Վերջինս միջոցառման ժամանակ խոսել է թուրք-իրանական տնտեսական հարաբերությունների մասին:

Նրա խոսքով՝ 2016թ. համամեմատ այս տարի Թուրքիայի և Իրանի միջև առևտրաշրջանառության ծավալները ավելացել են և հասել 12.7մլրդ դոլարի: Այժմ ըստ Շերիաթմեդարիի՝ 2 երկրները բանակցություններ են վարում, որպեսզի երկկողմ առևտրում ավելանան նոր ապրանքատեսակներ: Նախատեսվում է 60 նոր ապրանքատեսակ ներդնել շրջանառության մեջ:

«Իրացիները և թուրք ժողովուրդը պատմության ընթացքում ապրել են կողք-կողքի և ունեն միևնույն կրոնը: Հույս ունեմ, որ երկու երկրների միջև աճ կգրանցի ոչ միայն քաղաքական, այլ նաև մշակութային և տնտեսական հարաբերություններում: Թուրքիան Իրանի ամենամեծ առևտրային գործընկերն է»,-ասել է իրանցի պաշտոնյան:

Աղբյուր` Ermenihaber.am