Թուրք լրագրող Ամբերին Զամանը Հայոց ցեղասպանության հուշակոթողի մոտ լուսանկար է հրապարակել

Ցեղասպանություն09:49, 04 Նոյեմբեր 2017

Թուրք լրագրող Ամբերին Զամանը Հայոց ցեղասպանության հուշակոթողի մոտ լուսանկար է հրապարակել

Թուրք լրագրող Ամբերին Զամանը ԱՄՆ-ում Հայոց ցեղասպանության հուշակոթողի մոտ արված լուսանկար է հրապարակել: Հայտնի լրագրողը, ով անմասն չէ նաև Հայոց ցեղասպանության ճանաչման համար մղվող պայքարից, «Twitter» -ում կատարած հրապարակմանը կից օգտագործել է «Հայոց ցեղասպանության հոշակոթող», «Բոստոն», «այլևս երբեք» (#ArmenianGenocide memorial, #Boston, #neveragain ) հեշթագերը:

Նշենք, որ Զամանը Հայոց ցեղասպանության 100-րդ տարելիցին նվիրված «100 վայրկյան» նախագծի մասնակիցներից է և նախագծի համար կարդացել է Ցեղասպանությունը վերապրած Սառա Մուրադյանի վկայությունը:

Լրագրողի հրապարակումը թուրքական մամուլում բուռն դժգոհություն է առաջացրել, իսկ թեմային անդրադարձած «Ensonhaber.com» լրատվակայքը շտապել է Զամանին մեղադրել «ահաբեկչական կառույցների խոսնակ» լինելու և հակաթուրքական գործունեություն իրականացնելու մեջ:

Աղբյուր` Ermenihaber.am

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։