Քաղաքական11:35, 09 Նոյեմբեր 2017
ԵԽԽՎ-ի կողմից մոնիտորինգի տակ առնվելուց հետո Թուրքիան կրճատում է ԵԽ-ին տրվող անդամավճարը
Թուրքիայի արտգործնախարար Մևլութ Չավուշօղլուն, Եվրախորհրդի գլխավոր քարտուղար Թորբյորն Յագլանդին ուղղված նամակում տեղեկացրել է, որ Թուրքիան այլևս չի ցանկանում հանդիսանալ կառույցի գլխավոր դոնորներից մեկը:
Ըստ թուրքական «Diken.com.tr» լրատվական կայքի՝ սա Թուրքիայի պատասխանն է Եվրոպայի խորհրդի խորհրդարանական վեհաժողովի կողմից կրկին մոնիթորինգի տակ առնվելուն:
Աղբյուրի հաղորդմամբ՝ 2017 թվականին ԵԽ-ի 455 մլն եվրոյանոց բյուջեին 33.8 մլն-ը փոխանցած Թուրքիան զգալիորեն կնվազեցնի անդամավճարը:
ԵԽ գլխավոր քարտուղարն արդեն հաստատել է Թուրքիայի՝ մեծ դոնորի կարգավիճակից սովորական դոնորի կարգավիճակ ստանձնելու մտադրությունը: Յագլանդը նշել է նաև, որ Թուրքիայի դիմումը ԵԽ-ի հանդեպ ստանձնած պարտականություններից հրաժարվելու կամ դրանք մասամբ կատարելու ազդանշան չի պարունակում: Յագլանդն ավելացրել է նաև, որ ԵԽ և հատկապես ՄԻԵԴ-ը (Մարդու իրավունքների եվրոպական դատարան) կարիք ունեն ամեն տեսակի ֆինանսական աջակցություն:
Հիշեցնենք, որ Եվրոպայի խորհրդի խորհրդարանական վեհաժողովն ապրիլի 25-ին քվեարկության արդյունքում որոշում էր կայացրել Թուրքիայի վերադարձնել մոնիտորինգի տակ գտնվող երկրի կարգավիճակը: Առաջարկին կողմ էին քվեարկել ԵԽԽՎ տարբեր երկրների 113 պատվիրակ, դեմ` 45-ը, ձեռնպահ` 12-ը: Թուրքիան ԵԽԽՎ-ի կողմից մոնիտորինգի է ենթարկվել 1996-2004թթ.:
ԵԽԽՎ-ում մոնիտորինգի գործընթացը գործարկվել է 1993թ. և նպատակ ունի եվրաինտեգրման ճանապարհն ընտրած երկրներում հեշտացնելու անցումը արևմտյան ժողովրդավարական չափանիշներին: Ներկայումս ԵԽԽՎ-ն մոնիտորինգ է իրականացնում Ալբանիայում, Բոսնիա-Հերցոգովինայում, Մոլդովայում, Ռուսաստանում, Սերբիայում, Ուկրաինայում, Վրաստանում, Հայաստանում և Ադրբեջանում:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |