Քաղաքական08:21, 10 Նոյեմբեր 2017
Թուրքիայի վարչապետը Վաշինգտոնում հանդիպել է ԱՄՆ-ի փոխնախագահի հետ
Թուրքիայի վարչապետ Բինալի Յըլդըրըմը Սպիտակ տանը հանդիպել է Ամերիկայի Միացյալ Նահանգների փոխնախագահ Մայք Փենսի հետ:
Ըստ թուրքական «Gazetekarınca.com» լրատվական կայքի՝ հանդիպման ընթացքում քննարկվել են 2 երկրների միջև տեղի ունեցած վիզային ճգնաժամին, Ֆեթուլլահ Գյուլենի արտահանձնմանն ու Սիրիայում տեղի ունեցող զարգացումներին վերաբերող թեմաներ:
Հանդիպումից հետո Սպիտակ տնից արված առաջին պաշտոնական հայտարարության մեջ նշվել է, որ Փենսը Յըլդըրըմին իր մտահոգություններն է հայտնել արտակարգ դրության շրջանակներում Թուրքիայում կալանավորված ԱՄՆ-ի քաղաքացիների, հյուպատոսարանի աշխատակիցների, հասարակական գործիչների ու լրագրողների վիճակի վերաբերյալ: ԱՄՆ-ի փոխնախագահը պահանջել է նաև վերոնշյալ անձանց դեմ իրականացվող դատավարությունների թափանցիկության ապահովվում:
Նշվում է, որ կողմերը նշել են, որ Մերձավոր արևելքում կայունությունը և անվտանգությունը բխում են 2 երկրների շահերից՝ պայմանավորվելով այդ նպատակին հասնելու համար ակտիվացնել միջկառավարական երկխոսությունը:
Ըստ Սպիտակ տան հայտարարության՝ Փենսն ու Յըլդըրըմը հույս են հայտնել, որ հանդիպումը թուրք-ամերիկյան հարաբերություններում նոր էջ կբացի՝ պայմանավորվելով կառուցողական երկխոսություն սկսել հարաբերություններում եղած անհարթությունները վերացնելու նպատակով:
Թուրքական կողմից հանդիպմանը մասնակցել են նաև արտգործնախարար Մևլութ Չավուշօղլուն, էներգետիկայի և բնական պաշարների նախարար Բերաթ Ալբայրաքը, և ԱՄՆ-ում Թուրքիայի դեսպան Սերդար Քըլըչը:
Այս ենթաբաժնի վերջին նորությունները
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Այս մասին համապատասխան հուշագիրը ստորագրվել է երկու կողմերի առողջապահական գերատեսչությունների ղեկավարների միջև:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |