Վերջին ամիսներին թուրքական մամուլում ամենաշատը հրեաներն ու սիրիացիներն են թիրախավորվել

Հասարակական13:30, 15 Նոյեմբեր 2017

Վերջին ամիսներին թուրքական մամուլում ամենաշատը հրեաներն ու սիրիացիներն են թիրախավորվել

Հրանտ Դինք հիմնադրամի կողմից իրականացվող «Ատելության խոսքը մամուլում» նախագծի շրջանակներում հերթական զեկույցն է հրապարակվել, որն ընդգրկում է 2017-ի մայիսիս մինչև օգոստոս ամիսը ներառյալ ընկած ժամանակահատվածը:

Ըստ թուրքական «Gazetekarınca.com» լրատվական կայքի՝ զեկույցից պարզ է դարձել, որ 4 ամիսների ընթացքում թուրքական լրատվամիջոցներում էթնիկ և կրոնական խմբերի վերաբերյալ ատելություն պարունակող 1910 սյունակ ու լուր է հրապարակվել: Դրանցում 48 առանձին խմբերին ուղղված ընդհանուր առմամբ 2466 ատելություն պարունակող արտահայտություն է տեղ գտել: Ամենաշատը թիրախավորվել են հրեաներն (493 արտահայտույուն) ու սիրաիցիները (472 արտահայտություն): 3-ր և 4-րդ տեղերում են գտնվում համապատասխանաբար հույներն (256 արտահայտություն) ու հայերը (247 արտահայտություն):

Նշվում է, որ հրեաները վերջին շրջանում ավելի շատ են թիրափավորվել Երուսաղեմի Ալ-Ակսա մզկիթում տեղի ունեցած բախումների ու դրա շուրջը ստեղծված լարվածության համատեքստում: Իսկ սիրիացիները (փախստական) թուրքական լրատվամիջոցների կողմից դիտարկվել են որպես երկրի տնտեսական վիճակի վատացման պատճառներից մեկը:

Թուրքական մամուլում ամենաշատ ատելություն պարունակող հրապարարակումներ են արել «Yeni Akit», «Milli Gazete», «Yeni Mesaj», «Yeni Çağ» և «Diriliş Postası» ազգայնական թերթերը:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։