Զեկույց. Ահաբեկչական գործողություններն ամենից շատն աճել են Թուրքիայում

Հասարակական10:08, 16 Նոյեմբեր 2017

Զեկույց. Ահաբեկչական գործողություններն ամենից շատն աճել են Թուրքիայում

Էկոնոմիկայի և խաղաղության ինստիտուտի (Institute for Economics & Peace) հրապարակած զեկույցի համաձայն ողջ աշխարհում ահաբեկչությունն ամենից շատ աճել է Թուրքիայում:

«Euronews.com»-ի թուրքական ծառայության տեղեկացմամբ՝ զեկույցում արձանագրված միակ դրական ցուցանիշն այն է, որ նախորդ տարվա համեմատ ահաբեկչական գործողությունների հետևանքով զոհվածների թիվը նվազել է 22 տոկոսով: Նախորդ տարի ահաբեկչությունից զոհվածների թիվը կազմել էր 25.673:

Ահաբեկչությունից հատկապես մեծ վնաս կրած Սիրիայում, Պակիստանում, Աֆղանստանում և Նիգերիայում ահաբեկչական գործողությունները նվազել են:

Նիգերիայում ահաբեկչական գործողություններից զոհվածների թիվը նվազել է 80 տոկոսով, իսկ Իրաքում ավելացել է:

Միևնույն ժամանակ, ողջ աշխարում ավելացել է ահաբեկչությունից տուժող երկրների թիվը: Եթե 2015թ. ահաբեկչության թիրախում հայտնված երկրների թիվը ընդամենը 65 էր, ապա 2016թ. այդ երկրների ցանկը ընդլայնվել է՝ հասնելով 77-ի:

Ահաբեկչությունն ամենից շատ ավելացել է Իրաքում, Սիրիայի հարավում, Թուրքիայում, Եթովպիայում, Կոնգոյում: Ընդ որում, Թուրքիայում ահաբեկչության աճի պատճառը միայն «Իսլամական պետությունը» (IŞİD) չէ:

Զեկույցի համաձայն՝ Թուրքիայի և Եգիպտոսի նման երկրներում ահաբեկչության դեմ պայքարի նպատակով իրականացվող գործողությունների ու միջոցառումների պատճառով ահաբեկչության ռիսկը էլ ավելի է մեծանում:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։