Շիրինօղլուն Թուրքիայի փոխվարչապետի հետ քննարկել է Պոլսի պատրիարքի ընտրությունների հարցը

Հասարակական10:26, 17 Նոյեմբեր 2017

Շիրինօղլուն Թուրքիայի փոխվարչապետի հետ քննարկել է Պոլսի պատրիարքի ընտրությունների հարցը

Ստամբուլի հայկական Սուրբ Փրկիչ հիվանդանոցի հիմնադրամի նախագահ Պետրոս Շիրինօղլուն նոյեմբերի 15-ին Անկարա այցի վերաբերյալ հայտարարություն է արել: Այս մասին հայտնում է «Ակօս» շաբաթաթերթը՝ հիշեցնելով, որ Անկարայում Շիրինօղլուն հանդիպել էր Թուրքիայի հիմնադրամների հարցերով փոխվարչապետ Հաքան Չավուշօղլուի և Թուրքիայի նախագահ Ռեջեփ Թայիփ Էրդողանի խորհրդականների հետ:

Շիրնօղլուն հայտնել է, որ Անկարա էր այցելել շնորհավորելու Հաքան Չավուշօղլուին նոր պաշտոնին նշանակվելու առիթով: Վերջինի հետ հանդիպման ժամանակ Շիրինօղլուն բարձրացրել է հայ համայնքի հիմնադրամների, ինչպես նաև Պոլսի հայոց պատրիարքի ընտրությունների հարցը: Շիրինօղլուն խնդրել է պատրիարքի ընտրությունների վերաբերյալ որոշման մասին հնարավորինս շուտ տեղեկացնել:

Չավուշօղուին տեղեկացրել է, որ նախագահ Էրդողանը հետաքրքրվել է հիմնադրամների ընտրություններով, սակայն նրա միջամտությունը տեղին չի լինի, այնուամենայնիվ, փոխվարչապետը հայտնել է, որ հանդիպման ժամանակ արված դիտարկումները կներկայացվեն նրա ուշադրությանը:

Ինչ վերաբերում է պատրիարքական ընտրություններին, ապա Չավուշօղլուն ընդգծել է, որ այդ հարցով զբաղվում է Ներքին գործերի նախարարությունը, որն էլ շուտով հարցի վերաբերյալ տեղեկություն կտրամադրի:

Շիրինօղլուն տեղեկացրել է, որ փոխվարչապետի հետ հանդիպումից հետո զրուցել է նախագահի խորհրդականների հետ: Զրույցի ընթացքում, ըստ Շիրինօղլուի, համայնքային հարցեր չեն քննարկվել:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։