Քաղաքական09:35, 23 Նոյեմբեր 2017
Ռուսաստանի, Թուրքիայի ու Իրանի նախագահների հանդիպումից հետո համատեղ հայտարարություն է հրապարակվել
Նոյեմբերի 22-ին Սոչիում տեղի ունեցած Ռուսաստանի, Թուրքիայի ու Իրանի նախագահների հանդիպմանը քննարկվել են Սիրիայում քաղաքական լուծում գտնելու, լարվածությունը մեղմացնելու ու ահաբեկչական կազմակերպությունների դեմ պայքարելու հարցեր:
Հանդիպումից հետո հրապարակվել է համատեղ հայտարարություն, որը անդրադառնում է հանդիպման հիմնական թեմաներից մեկին՝ Սիրիայի ազգային երկխոսության համաժողովի կազմակերպմանը:
Ըստ թուրքական «Diken.com.tr» լրատվական կայքի՝ հայտարարության մեջ շեշտվել է, որ նախագահներ Վլադիմիր Պուտինը, Ռեջեփ Թայիփ Էրդողանը և Հասան Ռոհանին հաստատել են Սիրիայի Արաբական Հանրապետության ինքնիշխանության, անկախության, միասնության ու տարածքային ամբողջականության ապահովման վերաբերյալ իրենց պարտավորությունները:
Նախագահները Սիրիայի կառավարության ներկայացուցիչներին և երկրի ինքնիշխանությանը, միասնությանն ու տարածքային ամբողջականությանը կողմ ընդդիմադիր ուժերին կոչ են արել կառուցողական մասնակցություն ցուցաբերել մոտ ապագայում Սոչիում անցկացվելիք Սիրիայի ազգային երկխոսության համաժողովին:
Հայտարարության մեջ նշվել է նաև, որ նախագահները պատրաստակամություն են հայտնում աջակցելու երկրի միասնությունը կրկին վերականգնելու ճանապարհին Սիրիայի բոլոր շերտերի մասնակցությամբ,ՄԱԿ-ի դիտորդական առաքելության ներքո ազատ և արդար ընտրություններով քաղաքական լուծման հասնելու սիրիացիների քայլերին:
Այս ենթաբաժնի վերջին նորությունները
Կողմերը քննարկել են տարածաշրջանային և գլոբալ հարցեր, իսկ հեռախոսազրույցի ընթացքում Թուրքիայի նախագահն ԱՄՆ նախագահին հրավիրել է Թուրքիա։
Նախքան վարչապետի այցը, մայիսի 5-ին Թուրքիա է մեկնել Իրաքի ԱԳՆ-ի հարևան երկրների վարչության պետի գլխավորած պատիրակությունը։
Հարձակումն կատարած անձը ձերբակալվել է: Դեպքի հանգամանքները պարզվում են:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |