Միջազգային12:55, 30 Նոյեմբեր 2017
Թուրք նախկին դեսպան. «Զարրաբի դատավարության իրական թիրախը հենց Էրդողանն է»
Թուրքիայի «Ժողովրդահանրապետական կուսակցության» (CHP-ԺՀԿ) նախկին պատգամավոր, նախկին դեսպան Շյուքրյու Էլեքդաղը խոսել է ԱՄՆ-ում տեղի ունեցող իրանական ծագումով թուրք գործարար Ռեզա Զարրաբի (Րըզա Սարրաֆ) դատավարության՝ թուրքական իշխանությունների միջև առկա կապի մասին:
Ըստ թուրքական «Milliyet» թերթի կայքի՝ Էլեքդաղը պնդել է, որ Թուրքիայի իշխանությունների և անձամբ նախագահ Ռեջեփ Թայիփ Էրդողանի հետ կապերով հայտնի Զարրաբի դատավարության իրական թիրախը հենց Էրդողանն է:
Նախկին դեսպանի խոսքով Իրանի դեմ պատժամիջոցները շրջանցելու մեջ մեղադրվող Զարրաբի դատավարությունը Թուրքիայի և Էրդողանի նկատմամբ ԱՄՆ-ի վերաբերմունքի պատճառով վերածվել է քաղաքական դատավարության:
«Այդ դատավարությունը Թուրքիայի դեմ է ուղղված: Թիրախը ոչ թե Իրանն է, այլ՝ Էրդողանը: Դա ընդունենք ի գիտություն և պատրաստվենք: Չնայած Անկարան արդեն այդ ամենը զգացել է»,- նշել է Էլեքդաղը՝ ավելացնելով, որ վերջին 65 տարում արևմտյան լրատվամիջոցները երբեք նման ինտենսիվությամբ «կրակի տակ չեն պահել Թուրքիան կամ դրա առաջնորդին»:
Հիշեցնենք, որ Ռըզա Զարրաբին 2016-ի մարտին ԱՄՆ-ում ձերբակալել են թուրքական կառավարության և բիզնեսի մի շարք ներկայացուցիչների օգնությամբ Իրանի հանդեպ պատժամիջոցները խախտելու, բանկային կեղծարարություն անելու և իսլամական հանրապետության հետ անօրինական առևտուր ծավալելու մեջ:
Սակայն օրեր առաջ հայտնի դարձավ, որ Ռեզա Զարաբը գործով անցնելու է, որպես վկա և ամբաստանյալի աթոռին է հայտնվելու միայն թուրքական «Halk» բանկի փոխտնօրեն Մեհմեթ Հաքան Աթիլլան, ում միջոցով էլ Զարրաբը միլիոնավոր դոլարներ է փոխանցել Իրան:
Նոյեմբերի 30-ին գործով տեղի ունեցած դատավարության 1-ին նիստի ժամանակ Զարրաբը արդեն վկայություն է տվել Թուրքիայի էկոնոմիկայի նախկին նախարար Զաֆեր Չաղլայանի դեմ: Մեծահարուստ գործարարը հայտարարել է, որ 2012-ին 45-50 մլն եվրո և 7 մլն դոլար կաշառք է տվել Չաղլայանին, որպեսզի վերջինս օգնի իրեն Իրանի հետ ոսկու առևտուրը կազմակերպելու հարցում:
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։
Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։
Օքթայ Սարալը Հայկո Ջեփքինին որակել է որպես երաժիշտի նմանակ, իսկ նրա արվեստը՝ անորոշ:
Թուրքական մամուլում վերոնշյալը ներկայացվել է որպես հակաթուրքական լոբբի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |