Վերջին 5 տարում Թուրքիայում ինքնասպանության 60000 փորձ է գրանցվել

Հասարակական06:42, 01 Դեկտեմբեր 2017

Վերջին 5 տարում Թուրքիայում ինքնասպանության 60000 փորձ է գրանցվել

Վերջին տարիների ընթացքում Թուրքիայի բնակչության շրջանում շատացած դեպրեսիվ խանգարումների պատճառով շատացել են ինքնասպանության փորձերը:

Ըստ թուրքական «T24.com.tr» լրատվական կայքի՝ վերջին 5 տարվա ընթացքում Թուրքիայում արձանագրվել է ինքնասպանության 60850 փորձ, որոնցից 16028-ը՝ մահվան ելքով: Ինքնասպանության փորձերից 2423-ը տեղի է ունեցել ազատազրկման վայրերում: Դրանցից 286-ը եղել է մահվան ելքով:

Թուրքիայի գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) կազմած «Թուրքիայում աճող հոգեբանական հիվանդությունները» զեկույցում նշվում է, որ վերջին 5 տարում երկրում աճում է հոգեբանական խնդիրներ ունեցողների թիվը: Նույն զեկույցից պարզվում է, որ խնդրո առարկա ժամանակաշրջանում երկրի բնակչությունը սպառել է ավելի քան 224 միլիոն տուփ հակադեպրեսանտ միջոցներ:

Թեմային անդրադարձած Ստամբուլի համալսարանի հոգեբանական ֆակոուլտետի դոցենտ Մուրաթ Փաքերը նշել է, որ հոգեբանական հիվանդությունների աճը պայմանավորված է բնակչության ծանր աշխատանքային պայմանների, տնտեսական դժվարությունների, աղքատության հետ, որոնք մարդկանց ստիպում են իրենց օտարված զգալ հասարակությունից և դիմել ծայրահեղ քայլերի:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։