Տնտեսական12:16, 04 Դեկտեմբեր 2017
Թուրքիան կործանիչներ արտադրելիս կհամագործակցի ոչ թե ԱՄՆ-ի, այլ Ուկրաինայի հետ
ԱՄՆ-ի կողմից քրդական «Ժողովրդական ինքնապաշտպանական ուժեր»-ին (ԺԻՈՒ-YPG) զենքի վաճառքը և ՆԱՏՕ-ի ու Թուրքիայի միջև առաջացած լարվածությունը իր ազդեցությունն է ունեցել թուրքական ազգային ռազմարդյունաբերական ծրագրերի վրա:
Թուրքական «Milliyet» թերթի կայքի տեղեկացմամբ՝ խոսքը մասնավորապես թուրքական արտադրության «Hürjet» կործանիչ ինքնաթիռի նախագծի մասին է: ԱՄՆ-ի հետ առաջացած լարվածության պատճառով կործանիչի նախագիծն ամբողջությամբ վերանայվել է՝ հարմարեցվելով ոչ թե ամերիկյան, այլ արդեն ուկրաինական մոդելին:
Ավելի վաղ հայտնի էր դարձել, որ «Hürjet»-ը իրականացնելու է նախագիծը ամերիկյան «SNC» ընկերության հետ համագործակցության շրջանակներում: Հիմա արդեն նախագիծը վերանայվել է՝ Ուկրաինայից գնվելիք շարժիչին և ավիացիոն համակարգերին համապատասխան:
Փոփոխություններ են կատարվել ինքնաթիռի շարժիչի, մարմնի, հետնամասի նախագծում: Ըստ որոշ ոչ պաշտոնական աղբյուրների՝ Թուրքիայի ավիացիայի և տիեզերագնացության ընկերությունը (TAİ) ուկրաինական «Sich» ընկերությունից գնել է «Al-222» կարգի տուրբո շարժիչների արտադրության իրավունքը և կարտադրի դրանք հենց Թուրքիայում:
Նախատեսված է, որ «Hürjet» ինքնաթիռները Թուրքիայի զինված ուժերում կփոխարինեն T-38 ինքնաթիռներին: Առաջիկայում ծրագրվում է նոր օդաչուների ուսուցումը կազմակերպել հենց «Hürjet»-ի մասնակցությամբ: Շուրջ 3000կգ բեռ տեղափոխելու հնարավորություն ունեցող այս թեթև կործանիչները նախատեսված են Թուրքիայի և բարեկամ ու դաշնակից երկրների զինված ուժերի համար: Հավալրված կլինեն սահմանային վերահսկողության, ահաբեկչության դեմ պայքարի, օդային աջակցության և հարձակման համար անհրաժեշտ զինտեխնիկայով:
Այս ենթաբաժնի վերջին նորությունները
Գտնվելով էներգետիկ ուղիների կենտրոնում՝ Թուրքիան կարող է առանցքային դեր խաղալ Եվրոպայի էներգետիկ ճգնաժամը մեղմելու գործում։
Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ:
Ըստ այդմ՝ Թուրքիան կարող է շարունակել բնական գազի պարտքը վճարել «Գազպրոմ» բանկի միջոցով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հայոց ցեղասպանության թանգարան-ինստիտուտին գորգը նվիրաբերել է Կալիֆորնիայի նահանգային համալսարանի ուսուցիչ, դոկտոր Վահրամ Շեմմասյանը:
Էլեկտրոնային պատերազմի թուրքական համակարգերը լիովին խաթարել էին Ասադի ռեժիմի ռազմական հաղորդակցության ենթակառուցվածքը Սիրիայում։
Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ:
Թուրքական լրատվամիջոցները որոշ ուշագրավ տեղեկություններ են հայտնել Շիբանիի կենսագրության և գործունեության մասին:
Թուրքիայի էներգետիկայի և բնական պաշարների նախարարը հայտնել է, որ էներգետիկ ենթակառուցվածքներում ուսումնասիրություններ անելու նպատակով առաջիկայում կմեկնի Սիրիա:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |