Մարզական13:57, 04 Դեկտեմբեր 2017
Թուրքիայի ֆուտբոլի 2-րդ և 3-րդ լիգայի ակումբները հրաժարվում են խաղադաշտ դուրս գալ
Թուրքիայի ֆուտբոլի 2-րդ և 3-րդ լիգայի 90 ակումբ որոշել է խաղադաշտ դուրս չգալ: Ինչպես տեղեկացնում է թուրքական «Hurriyet» թերթի կայքը, որոշման պատճառը ֆինանսական խնդիրներն են, որոնք էլ պայմանավորված են «Spor Toto» բուքմեյքերական ընկերությունը որոշմամբ: «Spor Toto»-ն կրճատում է 2-րդ և 3-րդ լիգայի խաղերի քանակը, որոնց վրա հնարավոր է խաղադրույք կատարել:
2-րդ և 3-րդ լիգայի ակումբների միության նախագահ Ջենգիզ Գյունայդընը հայտնել է, որ «Spor Toto»-ն այս մրցաշրջանի 5-րդ շաբաթվանից որոշել է խաղադրույքների ցանկում 2-րդ լիգայից 18 խաղ, իսկ 3-րդ լիգայի 11 խաղ ներառել: Ըստ Գյունայդընի՝ այս որոշման հետևանքով յուրաքանչյուր ակումբ միջինը 500-600 հազար թուրքական լիրա (128-153 հազար ԱՄՆ դոլար) կկորցնի: Նա նշել է, որ եթե որոշումն ընդունվեր մինչև մրցաշրջանի սկիզբը, ապա ակումբները կկարողանային իրենց ծախսերը այդ որոշման համաձայն կազմակերպել:
Գյունադընը տեղեկացրել է, որ 90 ակումբների ներկայացուցիչներն Անկարայում կհանդիպեն՝ քննարկելու «Spor Toto»-ի որոշման դեմ բողոքի հնարավոր ուղիները: Նա նշել է, որ որպես բողոքի նշան առաջիկա խաղին դուրս կգան 45 րոպե ուշացումով, հետագայում ընդհանրապես խաղերին չեն մասնակցի:
Գյունդողանի տեղեկացմամբ՝ իրենք ցանկացել են հարցը ներկայացնել Թուրքիայի երիտասարդության և սպորտի նախարարին, սակայն դիմումներին հակառակ մինչև այժմ նրանից հանդիպման հրավեր չեն ստացել:
Այս ենթաբաժնի վերջին նորությունները
Մուրինյոն վիրավորել էր թուրք մրցավարներին, «Galatasaray»-ի ֆուտբոլիսներին և մարզչական կազմին:
Հայաստանի ֆուտբոլի ֆեդերացիան դեմ է եղել, որ Սպերցյանը տեղափոխվի թուրքական ակումբ։
Նշենք, որ Մուստաֆա Քեմալ Աթաթուրքը ներկայիս Թուրքիայի Հանրապետության հիմնադիրը և առաջին նախագահն է եղել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |