Իրավական10:45, 06 Դեկտեմբեր 2017
Անկարայի նահանգապետարանը արգելել է քրդամետ կուսակցության առաջնորդներին աջակցող հավաքները
Անկարայում դեկտեմբերի 6-ին և 7-ին տեղի են ունենալու Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) կալանավորված համանախագահներ Սելահաթթին Դեմիրթաշի, Ֆիգեն Յուքսեքդաղի ու կաուսակցությունից ընտրված պատգամավոր Իդրիս Բուլաքենի գործով դատավարության առաջին նիստերը:
Դատավարության մեկնարկի ֆոնին Անկարայի նահանգապետարանը արգելել է ի աջակցություն նշված քաղաքական գործիչների մայրաքաղաքում անցկացվելիք հնարավոր հավաքները, ցույցերն ու միջոցառումները:
Ըստ թուրքական «T24.com.tr» լրատվական կայքի՝ նահանգապետարանի տարածած հայտարարության մեջ որպես հիմնավորում նշվում է, որ հասարակական վայրերում մարդկանց կուտակումները կարող են հարմար առիթ հանդիսանալ որոշ ահաբեկչական կառույցների անդամների կողմից տարբեր գործողություններ իրականացնելու համար:
«Դեկտեմբերի 6-ին, 7-ին և 8-ին Անկարայի ողջ տարածքում և հատկապես Սինջան քրեակատարողական հիմնարկի ու Անկարայի արդարադատության պալատի շրջակայքում հավաքներ, երթ, նստացույց, հիշատակի միջոցառում և նմանատիպ գործողություններ անցկացվելու դեպքում Թուրքիայի քրեական օրենսդրության համապատասխան հոդվածների (վկայակոչվում են հավաքների ու ցույցերի մասին օրենքների մի շարք հոդվածներ, ինչպես նաև երկրում շարունակվող արտակարգ դրության մասին օրենքը) հատկանիշներով մաասնակիցները ենթարկվեն պատասխանատվության»,- ասված է հայտարարության մեջ:
Հիշեցնեք, որ 2016 թվականի նոյեմբերի 4-ին ձերբակալված քրդամետ կուսակցության անդամ 12 պատգամավորներից 9-ի, այդ թվում` կուսակցության համանախագահներ Սելահեթթին Դեմիրթաշի և Ֆիգեն Յուքսեքդաղի վերաբերյալ նոյեմբերի 9-ին կալանավորման որոշում էր կայացվել:
Այս ենթաբաժնի վերջին նորությունները
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։
Իր հարազատների հետ քուրդ դատապարտյալի հեռախոսազրույցն անջատվել է քրդերեն խոսելու պատճառով։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |